Türkmenistanyň Kazandaky (Russiýa Federasiýasy) Baş konsullygy Türkmenistanyň, şeýle hem Çuwaşiýa Respublikasynyň we Perm ülkesiniň ministrlikleriniň hem-de pudaklaýyn edaralarynyň ýobaşçylarynyň gatnaşmagynda wideomaslahat aragatnaşygy arkaly duşuşygyny gurady.
Onlaýn-gepleşiklerde Türkmensitanyň Söwda-senagat edarasynyň (SSE) başlygy D. Rejebow, senagat we gurluşyk önümçiligi ministriniň, şeýle hem dokma senagaty ministriniň orunbasarlary, ýurdumyzyň Senagatçylar we telekeçiler birleşmesiniň (TSTB) agzalary ýurdumyza wekilçilik etdiler.
Russiýa tarapyndan özara gatnaşyklaryň gün tertibini ara alyp maslahatlaşmaga Çuwaşiýanyň wise-premýeri – ykdysady ösüş we emläk gatnaşyklary ministri D. Krasnow we şu edaranyň ýolbaşçysynyň orunbasary D. Spirin, senagat we energetika ministriniň orunbasary S. Lekarew, Russiýa Federasiýasynyň Daşary işler ministrliginiň Nižniý Nowgoroddaky Wekilhanasynyň Çeboksaridäki bölüminiň ýolbaşçysy A. Pogodeýkin, Çuwaşiýa Respublikasynyň eksporta goldaw Merkeziniň ýolbaşçysy G. Danilow, şeýle hem Perm ülkesiniň Söwda-senagat palatasynyň prezidenti O. Ždanow hem-de onuň orunbasary Ýe. Mironowa gatnaşdylar.
Taraplar Türkmenistan bilen RF-iň Wolga-Kama makrosebitiniň arasynda özara haryt dolanşygyny artdydrmak üçin täsirli çäreleriň görülmeginiň, şol sanda kiçi we orta telekeçiligi ulanmagyň zerurlygyny bellediler. Telekeçilere söwda-ykdysady hyzmatdaşlygy işjeňleşdirmäge ýardam etmegiň ugurlaryny ara alyp maslahaltlaşmagyň jähtinden giriş wizalaryny almagy, şeýle hem ýükleri bökdençsiz ugratmagy we maliýe hasaplaşyklaryny bökdençsiz geçirmegi ýeňilleşdirmegiň düzgünlerine garaldy.
Kazandaky Baş konsul A. Baýramow Çuwaşiýanyň we Perm ülkesiniň işewürlerine Kazanda 2021-nji ýylyň 11-nji martynda hasaba alnan Türkmenistanyň Söwda öýüniň işine gatnaşmaga çagyrdy.
Duşuşygyň barşynda taraplar 2021-nji ýylda ýurdumyzda geçiriljek Hazarýaka döwletleriň VI Sammitiniň RF-iň Wolga-Kama derýalarynyň töwereginde ýerleşýän sebitleri bilen Türkmenistanyň arasyndaky hyzmatdaşlygy giňeltmäge itergi berjekdigine ynam bildirdiler.
