Kazanyň «Bustan» sport toplumynda «2021 ýyl – Halkara parahatçylyk we ynanyşmak ýyly» futbol Kubogy ugrunda mini-futbol bäsleşigi geçirildi. Tatarstan Respublikasynyň sport we ýaşlar baradaky Ministrliginiň, şeýle-de Kazanyň (Priwolžsk) federal uniwersitetiniň hemaýat bermeginde Türkmenistanyň Kazandaky (Russiýa Federasiýasy) Baş konsullygy bu turniri. 

Ýaryşa 8 sany talyp topary gatnaşdy, olaryň düzüminde Türkmenistanyň, Ermenistanyň, Russiýa Federasiýasynyň, Siriýa Arap Respublikasynyň, Afrika ýurtlarynyň Bileleşiginiň, Täjigistanyň we Özbegistanyň wekilleri çykyş etdiler. 

Oýunlar iki toparda geçdi, olaryň ýeňijileri finalda özara güýç synanyşdylar. Bu sport çäresinde Kazandaky ilçihanalaryň işgärleriniň ýygyndy topary ýaryşa gatnaşyjylar bilen ýoldaşlyk duşuşygyny geçirdiler.

Baş baýraga Türkmenistanyň Kazandaky Baş konsullygy tarapyndan düzülen «Dostluk» futbolçylar topary mynasyp boldy. Ikinji we üçünji orunlary degişlilikde Täjigistanyň we Özbegistanyň talyplar ýygyndylary eýelediler. Ýeňijä «2021 ýyl – Halkara parahatçylyk we ynanyşmak ýyly» futbol Kubogy, sylagly orunlary eýelänlere bolsa – medallar gowşuryldy. 

«Dostluk» toparynyň hatarynda - Kazanyň ýokary okuw jaýlarynda okaýan türkmen ýaşlary: Abdyserdar Eminow, Ylýas Ekäýew, Çarydurdy Nyýazow, Kadyr Kadyrow, Bagtyýar Öwezberdiýew, Ahmet Saryýew, Amangeldi Amangeldiýew, Kerwen Hudaýberdiýew, Wagiz Piskow, Baýramgeldi Hümmetgeldiýew dagylar oýnadylar.

Bu sport çäresinde Türkmenistanyň, Azerbaýjanyň, Russiýanyň, Täjigistanyň, Özbegistanyň, Afrika ýurtlarynyň talyplary aýdym-sazlary ýerine ýetirdiler.

Futbol tapgyry barada Russiýanyň we Tatarystanyň köpçülikleýin habar beriş serişdelerinde maglumatlar köpçülige ýetirildi.

Suraty: Ilmir GAFIÝATULLINIŇKI