Ï Türkmenistanyň Döwlet sirki täze möwsümiň tomaşasyny görkezdi
mail-icon
altynasyr.newspaper@sanly.tm
EN RU TK

Türkmenistanyň Döwlet sirki täze möwsümiň tomaşasyny görkezdi

view-icon 12890
Türkmenistanyň Döwlet sirki täze möwsümiň tomaşasyny görkezdi
Türkmenistanyň Döwlet sirki täze möwsümiň tomaşasyny görkezdi
Türkmenistanyň Döwlet sirki täze möwsümiň tomaşasyny görkezdi
Türkmenistanyň Döwlet sirki täze möwsümiň tomaşasyny görkezdi
Türkmenistanyň Döwlet sirki täze möwsümiň tomaşasyny görkezdi
Türkmenistanyň Döwlet sirki täze möwsümiň tomaşasyny görkezdi
Türkmenistanyň Döwlet sirki täze möwsümiň tomaşasyny görkezdi
Türkmenistanyň Döwlet sirki täze möwsümiň tomaşasyny görkezdi
Türkmenistanyň Döwlet sirki täze möwsümiň tomaşasyny görkezdi
Türkmenistanyň Döwlet sirki täze möwsümiň tomaşasyny görkezdi
Türkmenistanyň Döwlet sirki täze möwsümiň tomaşasyny görkezdi
Türkmenistanyň Döwlet sirki täze möwsümiň tomaşasyny görkezdi
Türkmenistanyň Döwlet sirki täze möwsümiň tomaşasyny görkezdi
Türkmenistanyň Döwlet sirki täze möwsümiň tomaşasyny görkezdi
Türkmenistanyň Döwlet sirki täze möwsümiň tomaşasyny görkezdi
Türkmenistanyň Döwlet sirki täze möwsümiň tomaşasyny görkezdi
Türkmenistanyň Döwlet sirki täze möwsümiň tomaşasyny görkezdi
Türkmenistanyň Döwlet sirki täze möwsümiň tomaşasyny görkezdi
Türkmenistanyň Döwlet sirki täze möwsümiň tomaşasyny görkezdi
Türkmenistanyň Döwlet sirki täze möwsümiň tomaşasyny görkezdi

Türkmen sirkiniň döredijilik topary täze möwsüme uly taýýarlykly geldi. Täsinlikleri, gyzyl-gyran gülüşdirýän masgarabazlary, çalasyn we gorkmazak türgenleri küýsän sirk muşdaklary tomaşa başlamazyndan öň zalyň içini doldurdylar. Çagalar üçin görkezilen şatlyk- şagalaňly çykyşlaryň kemi bolmady, çünki tomaşaçylaryň oturýan ýeri bilen manež aralygy olaryň ygtyýaryna berildi. Çagalar artistleriň gözegçiliginde atlara münüp, ýa-da zyňylanda ýene-de yzyna dolanyp gelýän bumerenglara güýmenip, wagtlarynyň nähili geçenini hem duýmadylar.

Ynha-da, Röwşen Nepesowyň ýolbaşçylygyndaky estrada-simfoniki orkestriň çalmagynda kompozitor Jorj Dýukyň giriş sazy ýaňlandy, tomaşaçylar geň-taňlyga gaplanyp doňan ýaly bolup galdylar.

Medine Baýramdurdyýewanyň «Kepderiler» sahnasy bilen açylýan tomaşa çagalary ertekiler dünýäsine alyp gitdi. Akja kepderiler Medinäniň buýurýan ýumuşlaryny kemsiz ýerine ýetirdiler. Bu täsin sahna uzak wagtlap ýadyňda galýar!

Medinanyň keşbini gimnastikaçy Liliana Ýusupowa ýerine ýetirýär Onuň asmandan asylyp duran halkada ýerine ýetirýän maşklary käbir tomaşaçylary tolgundyryp howsala salsa, käbirlerini haýran galdyrdy.

Oglanlaryň maşkçylar toparynyň arasynda ýeke özi aýratyn göze ilýän gyzyň çeýelikde her hili öwüşginli taýajyklary ulanyp howada göz gamaşdyryjy hereketleri ähli tomaşaçylaryň göwnünden turdy.

Masgarabazlar Röwşen Meläýew, Arça Meredow we Pena Myratdurdyýew sirkiň muşdaklary üçin köp-köp täze gülküli degişmeleri taýýarlapdyrlar. «Ştanga-daşy götermek» – şolaryň biri. Äpet göwreli Arça bilen ejizje Pena ştanga götermekde ýaryşýarlar. Uzyn boýly we arryk Röwşen eminiň wezipesinde olara birsyhly bellikleri aýdýar. Kiçijik Pena her hili mekirlige ýüz urup, bäsdeşiniň, ylaýta-da tekepbir eminiň halys ýüregine düşýär, ýöne tomaşaçylar onuň şol bolşuna el çarpyşyp gülüşdiler.

Soňra arena darbaz gyz Irada Aliýewe çykýar. Ol daşyndan meşhur komik artist Çarli Çaplini ýatladýar. Ýöne ondan tapawutlylykda Irada örän näzik hem-de çalasyn. Darbaz gyz ellerini tutawaja diräp, yzly-yzyna ussatlarça aşyr atýar.

Wäşileriň «Oturgyç» sahnasyny akrobatlaryň topary, masgarabazlar Arça we Pena bilen bilelikde ýerine ýetirdiler.

Halap Baýrammyradow we Täçgeldi Mätgeldiýew tälim berlen alabaý itlerini alyp sahna çykýarlar. Öňden tomaşaçylara tanyş iki sany gar ýaly ak owadan itleriň gapdalyndan bu gezek ýene-de biri ilkinji gezek synaga goşulýar. Bu täzelikde tälim öwredilen itiň reňki türkmen alaýbaýlary üçin örän seýrek duş gelýän gara reňklidir. Şerhanyň tomaşçylaryň öňündäki ilkinji synanyşygyna şowly diýip baha bermek mümkindir.

Üç sany gimnastikaçy gyzlar: Irada Aliýewanyň, Leýli Amangeldiýewanyň we Liliana Ýusupowanyň «Çapyksuwap gyzlar» çykyşy türk serialy«Ajaýyp asyryň» şowhunly sazyna goşulyp tomaşaçylary özüne bendi etdi. Olaryň gyrmyzy, altyn-zere bezelen köýnekleri tomaşaçylaryň ýadynda hemişelik galdy.

Täze möwsümiň ýene-de bir täzeligi — maýmynlar Tom bilen Jerriniň hem-de olara goşulan öňden tomaşaçylara tanyş maýmyn Çitanyň «garagol hokgalarydyr». Çita bu gezek öz «bezzatlygyny» görkezip çagalaryň we ulularyň şowhunly el çarpyşmalaryna, hemmeleriň agzybir gülküsine mynasyp boldy. Ilkinji synagdan geçen Tom we Jerri bolsa gezekli-gezegine taýharjyga münüp ikiýana çapdylar, elleri taýakly ýüpüň üstünde ýörediler, germewden aslyşyp aşyr atdylar.

Tomaşanyň ikinji bölüminde sahna «Galkynyş» çapyksuwarlar toparynyň erkine berildi. Heý-de, manežde alty sany süýnüp ýatan atlary, dik oturan, ýüpden towusýan ýa-da tälimçisini ogşaýan bedewi görüpmidiňiz?! Eger şeýle hezilligi görmedik bolsaňyz, onda, ezber çapyksuwar we tälimçi Serdar Baýramdurdyýewiň ussatlygyny synlamaga baryň.

Pygy Baýramdurdyýew gamyşgulak gyr bedewi Ruhubelentde at oýunlaryny görkezip tomaşaçylary özüne bendi etdi. Sirke birsyhly gatnaýan tomaşaçylar dessine Prezidentimiziň olara sowgat beren taýçanagyny tanadylar. Bu gün kemsiz bedew çykan Ruhubelent «ispan ýörişini» we «çarpaýa galmagy» ýerine ýetirdi. Gara gunan Kanon artky aýaklaryna galyp muşdaklaryna tans görkezdi.

Çapyksuwarlaryň at üstündäki oýunlarynyň daşyny teatrlaşdyrylan bezegler gurşap aldy. Çykyşyň soňunda ýigitler tüweleý dek atylyp barýan atlaryň üstünde haýran galdyryjy maşklary görkezdiler. Çapyp barýan bedewlerde çapyksuwarlaryň bäşisiniň biri-biriniň gerdenine münüp al-asmana galyşlary bu dabaranyň jemini jemledi. Türkmenistanyň at gazanan artisti Röwşen Nepesowyň ýolbaşçylygyndaky orkestr sirk tomaşalaryny ajaýyp sazlara bezedi.

Täze tomaşa hemmeleriň bilelikde ýerine ýetiren Türkmenistany daşary ýurtlarda tanyşdyryjy «Küşdepdi» toý tansy bilen tamamlandy.

 Köp garaşdyran täze sirk möwsümi hakda gürrüň beremde Pygy Baýramdurdyýewiň ýurdumyzyň resmi wekillerine goşulyp Moskwada bolanlygyny ýatlaman bilmedim. 

Rosgossirkiň ýolbaşçysy bilen gepleşiklerde türkmen tarapyna wekilçilik eden Türkmenistanyň Prezidentiniň Ahalteke atçylyk toplumynyň «Galkynyş» çapyksuwarlar toparynyň ýolbaşçysy Pygy Baýramdurdyýew we «Türkmenatlary» Döwlet birleşiginiň bölüm başlygy Berdimuhamet Berdimyradow özara hyzmatdaşlygyň gelejegini maslahatlaşdylar. Hyzmatdaşlygyň çäginde Rosgossirkiň Türkmenistandaky çykyşlaryny guramak göz öňünde tutulýar. 

Rosgossirkiň ýolbaşçysy Sergeý Belýakow duşuşykda türkmenleriň dünýädäki iň gowy çapyksuwarlaryň biridiklerini nygtady. Ýakyn wagtlarda Russiýanyň döwlet sirk kompaniýasynyň sebitlerdäki bölümlerinde Türkmenistanyň döwlet sirkiniň çykyşlaryny guramagyň mümkinçiliklerine serediler. 

Türkmen wekilleri Sergeý Belýakowy her ýylyň aprel aýynyň iň soňky ýekşenbesinde, bu ýyl ilkinji gezek türkmen alabaýynyň baýramy bilen bilelikde geçirilýän türkmen bedewine bagyşlanan çärelere gatnaşmaga çagyrdylar. 

Таmara GLAZUNOWA

Suraty Ýuriý ŞKURINIŇKI