Ï «Siz hemişe hakydamyzda – biz size buýsanýarys!»: Aşgabatda «Ölmez-ýitmez polk» çäresi geçirildi
mail-icon
altynasyr.newspaper@sanly.tm
EN RU TK

«Siz hemişe hakydamyzda – biz size buýsanýarys!»: Aşgabatda «Ölmez-ýitmez polk» çäresi geçirildi

view-icon 1820
«Siz hemişe hakydamyzda  – biz  size buýsanýarys!»:  Aşgabatda «Ölmez-ýitmez polk» çäresi  geçirildi
«Siz hemişe hakydamyzda  – biz  size buýsanýarys!»:  Aşgabatda «Ölmez-ýitmez polk» çäresi  geçirildi
«Siz hemişe hakydamyzda  – biz  size buýsanýarys!»:  Aşgabatda «Ölmez-ýitmez polk» çäresi  geçirildi
«Siz hemişe hakydamyzda  – biz  size buýsanýarys!»:  Aşgabatda «Ölmez-ýitmez polk» çäresi  geçirildi
«Siz hemişe hakydamyzda  – biz  size buýsanýarys!»:  Aşgabatda «Ölmez-ýitmez polk» çäresi  geçirildi
«Siz hemişe hakydamyzda  – biz  size buýsanýarys!»:  Aşgabatda «Ölmez-ýitmez polk» çäresi  geçirildi
«Siz hemişe hakydamyzda  – biz  size buýsanýarys!»:  Aşgabatda «Ölmez-ýitmez polk» çäresi  geçirildi
«Siz hemişe hakydamyzda  – biz  size buýsanýarys!»:  Aşgabatda «Ölmez-ýitmez polk» çäresi  geçirildi
«Siz hemişe hakydamyzda  – biz  size buýsanýarys!»:  Aşgabatda «Ölmez-ýitmez polk» çäresi  geçirildi
«Siz hemişe hakydamyzda  – biz  size buýsanýarys!»:  Aşgabatda «Ölmez-ýitmez polk» çäresi  geçirildi

8-nji maýda bütin dünýäde Ikinji jahan urşunda wepat bolanlaryň ýagty ýadygärligine bygyşlanan çäreler geçirilýär. Şol gün A.S.Puşkin adyndaky türkmen-rus mekdebinde «Ölmez-ýitmez polk» çäresi geçirildi.

Irden mekdebiň howlusynda dabaraly harby sazlar ýaňlandy. Däp bolşy ýaly, çagalaryň ellerinde Beýik Watançylyk urşunda söweşen dogan-garyndaşlarynyň suratlary bar. Olar - Beýik Ýeňşiň şu günki mirasdarlarynyň ata-babalary. Esgerleriň ölmez-ýitmez gaýduwsyzlygyna hormat goýmak bilen biz zeminde parahatçylygy goranlaryň, özümize ýaşamak we döretmek bagtyny peşgeş berenleriň atlaryny geljekki nesiller üçin saklamagy öz borjumyz hasaplaýarys.

Russiýa Federasiýasynyň Türkmenistandaky ilçihanasynyň birinji sekretary Wladimir Nestoýanow okuwçylara ýüzlenip şeýle diýdi:

– Ýeňiş Güni – biziň ählimiz üçin mukaddes baýram, ol ençeme ýyllar bäri dünýäniň ähli künjeklerinde adamlary jebisleşdirýär. Biz bu gün jeň meýdanlarynda söweşenleriň – atalarymyzyň we enelerimiziň, zawodlarda, fabriklerde gije-gündiz arman-ýadaman zähmet çekenleri atma-at  ýatlaýarys. Ýetip gelen Ýeňiş baýramy bilen hemmäňizi tüýs ýürekden gutlaýaryn! 

Türkmen-rus mekdebinde 2015-nji ýyldan bäri geçirilýän «Ölmez-ýitmez polk» hatyra çäresine okuwçylar höwes bilen gatnaşýarlar.

– Biziň mekdebimizde ýaşlary watansöýüjilik ruhunda terbiýelämäge uly üns beriýlär – diýip, mekdebiň taryh mugallymy Lýudmila Pohalkowa gürrüň berýär. – Beýik Ýeňşiň baýramynyň öň ýanynda «Mertlik hepdeligini» geçirmek indi däbe öwrüldi. Okuwçylar diwar gazetini çykarýarlar, synp sapaklaryny guraýarlar, urşa gatnaşanlar bilen duşuşýarlar we olara sowgat gowşurýarlar. Hepdelik «Ölmez-ýitmez polk» çäresi bilen tamamlanýar. Hut meniň üçin bu hatyra çäresi örän wajyp. Meniň atam – Маrk Ýefimowiç Lipoweskiý Beýik Watançylyk urşuna gatnaşan, ol Kawkazy goramak ugrundaky söweşlerde agyr ýaralanypdyr. Şu gün men «Ölmez-ýitmez polkuň» hatarynda onuň portretini göterip geçdim. 

Beýik Ýeňşiň mirasdarlary wepat bolan Gahrymanlaryň hatyrasyny we sarpasyny belent tutýarlar hem-de häzir diri gezip ýören frontçulara çäksiz hormat goýýarlar. Şol gün urşa gatnaşan weteranlar mekdebe myhmançylyga geldiler, olar açyk sapaklara gatnaşdylar, olaryň hormatyna edebi-sazly baýramçylyk çykyşlary guraldy.

Swetlana ÇIRSOWA