2021-nji ýylyň 17-nji maýynda beýik türkmen akyldar şahyry Magtymguly Pyragynyň doglan gününiň 300 ýyllygy mynasybetli Türkmenistanyň Gruziýadaky Ilçihanasy onlaýn maslahat geçirdi.

Çärä Gruziýadaky diplomatik wekilhanalaryň wekilleri, Gruziýanyň Daşary işler ministrliginiň, Gruziýanyň Ylymlar akademiýasynyň, Gruziýanyň Ýazyjylar birleşiginiň, şeýle hem köpçülikleýin habar beriş serişdeleriniň wekilleri gatnaşdylar.

Maslahatda çykyş edenler beýik ynsanperwer şahyr Magtymguly Pyragynyň eserleriniň diňe bir edebiýata däl, eýsem Gündogar halklarynyň ruhy durmuşyna-da güýçli täsirini, dünýä dilleriniň köpüsine terjime edilip, dünýä medeniýetiniň baýlygydygyna öwrülendigini bellediler.

 Maslahatda Türkmenistanda Magtymguly Pyragynyň doglan gününiň 300 ýyllyk şanly senesiniň ýokary derejede bellemek üçin häzirden taýýarlyk işleriniň işjeň alnyp barylýandygy bellenildi.

Ýetip gelýän şanly sene mynasybetli meýilleşdirilen çäreler türkmeniň beýik dana şahyry Magtymguly Pyragynyň baý edebi mirasynyň giňişleýin öwrenilmegine we giňden ýaýylmagyna ýardam eder.

Bu çäre biziň ýurtlarymyzyň we halklarymyzyň arasyndaky dostluk, medeni-ynsanperwer gatnaşyklarynyň mundan beýläk hem pugtalandyrylmagyna tarap ýene bir ädim bolar.

Çäräniň ahyrynda Magtymguly Pyraga bagyşlanan film görkezildi.