Aşgabat şäheriniň 140 ýyllygy, şeýle-de Türkmenistan bilen Azerbaýjan Respublikasynyň arasyndaky medeni-ynsanperwer gatnaşyklary has-da giňeltmek maksady bilen Türkmenistanyň Bakuwdaky Ilçihanasynyň goldaw bermeginde birnäçe bilelikdäki medeni çäreler geçiriler. Bu barada Trend azerbaýjan habarlar gullugy habar berýär.

Hususan-da, 2021-nji ýylyň 25-nji maýynda Azerbaýjanyň «Mədəniyyət TV» teleýaýlymynda baýramçylyk konserti görkeziler. Onda Türkmenistanyň akademiki we halk aýdym-sazlaryny ýerine ýetirýän meşhur artistleriniň, şeýle hem horegrafiýa, folklor toparlarynyň çykyşlary teletomaşyçylara hödürlener.

Türkmen halkynyň baý özboluşly medeniýeti bilen ýakyn tanyşlykdan azerbaýjanly tomaşaçylar ýatdan çykmajak ruhy lezzet alarlar.

Taýýarlan Ogulgözel  REJEPOWA