Ýene 100 günden BAE Ýakyn Gündogar, Afrika we Günorta Aziýa (MEASA) sebitinde COVID-19 pandemiýasy başlandan bäri iri ählumumy çäräniň çäklerinde Bütindünýä sergisini geçirjek ilkinji ýurt bolar.
2021-nji ýylyň 1nji oktýabrynda açyljak Expo 2020 Dubai sergisine durmuşy özgertjek innowasiýalary açmaga tutuş dünýäden 25 milliondan gowrak adamyň gelerine garaşylýar. Bu ägirt uly çäre hyzmatdaşlygy we çözgütleri işläp taýýarlamagy höweslendirmäge gönükdirilendir, çünki dünýä pandemiýandan soň ykdysadyýeti dikeltmäge tarap hereket edýär.
BAE-de geçirilýän ägirt uly çärede COVID-19 pandemiýasy babatda ätiýaçlyk we howpsuzlyk şertleri berk bolar, ýurduň ilatynyň 90 göterimine COVID-19-a garşy sanjym edildi, ol bu ýurda iň köp sanjym edilenleriň bäşligine girmäge mümkinçilik berer.
Expo 2020 Dubai BAE-niň altyn ýubileýine gabat gelýär, munuň özi dünýä BAE-niň şowly tejribesi we ruhlandyryjy taryhy bilen tanyşmaga mümkinçilik berer. Söwda toplumyny ösdürmek boýunça golaýda geçirilen iş maslahatynda Türkmenistanyň Prezidenti Gurbanguly Berdimuhamedowyň bu Bütindüýä sergisine berk taýýarlanmagy tabşyrandygyny aýtmak gerek.
Türkmenistanyň Prezidenti şeýle hem ýurdumyzyň sergä gatnaşmagynyň gyzyklanma bildirýän ýurtlar we kompaniýalar bilen gatnaşyklaryň çäginiň giňemegine, ýurdumyzda öndürilýän harytlaryň daşary ýurtlarda mahabatyna we ilerledilmegine, şeýle hem dürli pudaklarda dünýäniň öňdebaryjy tejribesiniň öwrenilmegine ýardam etjekdigine ynam bildirdi.
Şeýle hem 10-njy iýunda wise-premýer Serdar Berdimuhamedowyň ýolbaşçylygynda Türkmenistanyň wekilleriniň Abu-Dabiniň Mirasdüşer Şazadasy Şeýh Mohammed bin Zaýed Al Nahaýýan bilen duşuşygy boldy. Taraplar türkmen kompaniýalarynyň «ЭКСПО-2020» sergisine gatnaşmagynyň meselelerine garadylar.
«Ykjamlyk» sergisinde Türkmenistanyň taslamasynyň Tekmil hususy kärhanasyna ynanylandygyny bellemek gerek. Kompaniýa milli sergide innowasion tehnlogiýalary ulanmagy göz öňünde tutýar.
Häzirlikçe sergini 2021-nji ýylyň 1-nji oktýabryndan 2022-nji ýylyň 31-nji marty aralygynda «Bilelikde oýlanyp, geljegi döredýäris» (“Connect thoughts, create the future”) şygary astynda geçirmek göz öňünde tutulýar. «Expo 2020 Dubai» sergisine geljek 25 million adamyň 70 göterimi daşary ýurtlardan geler. Ol World Expo-nyň taryhynda gelýänleriň aglaba bölegi daşary ýurtlylar boljak ilkinji sergi bolar.
Taýýarlan Janmämmet Gulamow
