Ýaňy başlan hepde şemally we ýagyşly boljaklygyndan habar berýär. Türkmenistanyň Oba hojalygy we daşky gurşawy goramak ministrliginiň Gidrometeorologiýa gullugynyň deslapky çaklamalaryna görä, 16-njy noýabrda ̶ sişenbe güni temperatura peselip, ýagyş ýagar.

Aşgabatda – üýtgäp durýan bulutly howa bolar. Howanyň temperaturasy gündizine +15 ... +17°C bolar. Hepdäniň ortalarynda bu görkezijiler gündizlerine +5...+7°C-a, gijelerine bolsa –1 ...+1°C-a çenli peseler. Ýagyş ýagmagy mümkin, güýjän wagty ýeliň tizligi sekuntda 14 metre ýeter.

Ahal welaýatynda howanyň temperaturasy gündizlerine +13 ...+18°C-dan +5...+10°C-a çenli üýtgär. Gijelerine salkyn, –3...+ 2°C bolar. Sişenbe-çarşenbe günleri tizligi sekuntda 17 metre çenli ýel öwüsmegine garaşylýar.

Balkan welaýatynda şemally howa bolar. Ýeliň ortaça tizligi 9 – 14 m/s, hepdäniň ortalarynda, güýjän wagty ol 17 m/s çenli ýetip biler. Welaýatda temperatura görkezijileriniň birden üýtgemegine garaşylýar. Gündizlerine temperatura +15…+20°C-dan +8…+13°C-a çenli peseler. Howa bulutly bolar, ygal ýagmagy ähtimal. Temperatura gijelerine +5…+10°C bilen -3…+2°C aralygynda, kenarýaka sebitlerinde bolsa +8…+13°C bolar.

Mary welaýatynda 11 – 16 m/s tizlikde şemal öwser. Howa gündizlerine +12...+17°C bilen +4...+9°C aralygynda bolar, ýagyş ýagar; temperatura gijelerine +2…+7°C-dan –4…+1°C-a çenli peseler.

Ýagynly howa Lebap welaýatynyň ilatyna-da garaşýar. Gündizlerine howa +12...+17°C-ä çenli gyzar. Şeýle-de bolsa, hepdäniň ortalarynda howa +3...+8°C-a çenli peseler. Ýeliň öwüsgin tizligi sekuntda 12 – 17 metre ýeter. Howa gijelerine +1…+ 6°C-dan 0…–5°C-a çenli sowar.

Daşoguz welaýatynda sişenbe güni, 16-njy noýabrda ýeliň öwüsgin tizligi sekuntda 11-16 metre ýeter, ýagyş ýagmagy-da ähtimal. Howanyň temperaturasy gündizlerine +5...+ 10°C bilen +1...+6°C, gijelerine –1… –6°C aralygynda bolar.