Türkmenistanda üýtgäp durýan howanyň bolmagyna garaşylýar. Hepdäniň başynda howa +28 gradusa çenli maýlasa, hepdäniň ortasynda howanyň ep-esli sowamagy çakalnylýar.

Aşgabatda duşenbede we sişenbede az-kem bulutly, gündizlerine +17... +22, gijelerine +6…+8 gradus howa bolar. Hepdäniň ortasynda az-kem ýagyş ýagmagy mümkin, gündizlerine +11…+13, gijelerine +1…+3 gradusa çenli sowar. Sinoptikler dynç günleri gar ýagmagyny çaklaýarlar.

Ahal welaýatynda gündizlerine +18…+23, gijelerine +3…+8 gradus howa bolar. Penşenbede, ýagny 2-nji dekabrda howa +8…+13 gradus howa bolup, gijesine –1…+4 gradusa çenli sowar. Ygal ýagmagy mümkin.

Balkan welaýatynda üýtgäp durýan bulutly bolmagyna garaşylýar. Gündizlerine howa +17…+22 gradusdan +10…+15 gradusa çenli pese düşer, gijelerine +5…+10 gradusdan +2…+7 gradusa çenli sowar. Dynç günleri howanyň derejesi +9  gradusa çenli peseler. Ýagyş ýagmagy mümkin.

Mary welaýatynda ýagyşly we şemally howa bolar. Gündizlerine +18…+23 gradusdan +9…+14 gradusa çenli maýyl howa bolar. Gijelerine +5…+10 gradusdan +2…+7 gradusa çenli sowuk howa bolar.

Lebap welaýatynda gündizlerine +16…+21 gradusdan hepdäniň ortasyna +8…+13 gradusa çenli maýyl howa bolar. Gijelerine +4…+9 gradusdan –2…+3 gradusa çenli sowuk howa bolar. Ýagyş ýagmagy we güýçli şemal bolmagy mümkin.

Daşoguz welaýatynda howa gündizlerine +11…+16 gradusdan +4…+9 gradusa çenli maýyl bolar. Gijelerine +1…+6 gradusdan –4…+1 gradusa çenli sowuk bolar. Az-kem ýagyş ýagmagy mümkin.

Möwsümleýin sowuklama keselleriniň we wirus ýokançlarynyň ýaýramagynyň öňüni almak üçin howanyň ýagdaýyna görä ýylyrak geýniň. Jemgyýetçilik saglygyna howpy azaltmak maksady bilen agyz-burun örtügini dakynyň we howpsuz aralygy saklaň.