Ykdysady Hyzmatdaşlyk Guramasynyň (YHG) Baş sekretary Husraw Noziri hormatly Prezidentimizi Gurbanguly Berdimuhamedowy Guramanyň döredilen güni bilen gutlady.

«Siziň Alyhezretiňiziň! Ykdysady Hyzmatdaşlyk Guramasynyň döredilen güni mynasybetli iberen gutlag hatyňyzy ägirt uly kanagatlanma bilen kabul etdim.

Size tüýs ýürekden hoşallygymy beýan edýärin, şeýle hem Siziň Alyhezretiňizi bu şanly sene bilen gutlaýaryn» – diýlip hatda aýdylýar.

Pursatdan peýdalanyp, Husraw Noziri döwlet Baştutanymyzy we ýurdumyzyň Hökümetini Aşgabatda YHG-nyň 15-nji sammitiniň we onuň öň ýanynda YHG ýurtlarynyň daşary işler ministrleriniň Geňeşiniň 25-nji mejlisiniň üstünlikli geçirilmegi bilen gutlady.

«Bu forumlaryň netijeleriniň peýdaly hem-de YHG sebitinde işjeň goşulyşmak üçin hyzmatdaşlygyň giňeldilmegine gönükdirilen umumy maksatlarymyza ýetmegiň ýolunda uly ähmiýete eýe boljakdygyna ynanýaryn» – diýip, Guramanyň Baş sekretary öz hatynda belledi.