Energetika pudagynyň karbonsyzlaşdyrylmagy GDA-nyň Elektrik energiýasy Geňeşiniň (GDA EEG) 59-njy mejlisiniň esasy mowzugy boldy.

Oňa GDA agza döwletleriň – Azerbaýjan Respublikasynyň, Türkmenistanyň, Ermenistan Respublikasynyň, Belarus Respublikasynyň, Gazagystan Respublikasynyň, Gyrgyzystan Respublikasynyň, Russiýa Federasiýasynyň, Täjigistan Respublikasynyň we Özbegistan Respublikasynyň elektroenergetikany dolandyryş edaralarynyň we ýöriteleşdirilen kompaniýalarynyň ýolbaşçylary gatnaşdy.

Geňeş agzalary elektroenergetikada taşlandy bug gazlarynyň karbonsyzlaşdyrylmagyna we dolandyrylyşyna itergi berýän amallary ösdürmegiň zerurdygyny nygtadylar, Merkezi Aziýada gidroenergetika pudagynda hyzmatdaşlygyň geljegini we suw-energetika toplumynyň maýa goýum mümkinçiligini artdyrmak meselesini ara alyp maslahatlaşdylar.

Taraplar dünýäde howanyň üýtgemegi we GDA agza döwletleriň bu ugurdaky häzirki syýasaty boýunça bilelikde beýannama we 2021-nji ýylyň 15-nji dekabrynda GDA EEG-niň ýanyndaky Utgaşdyryjy geňeşiň mejlisinde taýýarlanan birnäçe resminamany kabul etdiler.

PAO «InterRAO» wekili Kupçikow T.V.EEG GDA-nyň Ýerine ýetiriji komitetiniň täze başlygy wezipesine saýlandy.

GDA-nyň Elektrik energiýasy Geňeşiniň indiki, 60-njy mejlisini 2022-nji ýylyň maý-iýun aýlarynda Gazagystanda geçirmek meýilleşdirilýär.