Türkmenistanyň Migrasiýa barada Ählumumy ylalaşygyň durmuşa geçirilişi boýunça Pudagara iş toparynyň nobatdaky mejlisi geçirildi. Sanly ulgam arkaly geçirilen duşuşygy Migrasiýa boýuna halkara guramasy (IOM) – BMG-niň Migrasiýa boýunça agentligi, Türkmenistanyň Daşary işler ministrligi we Türkmenitanyň Döwlet migrasiýa gullugy bilen bielikde guradylar.
10-13-nji maýda BMG-niň Nýu-Ýork şäherinde geçirlmegi göz öňünde tutulýan migrasiýa boýunda Halkara Forumyna milli derejedäki taýýarlygy ara alyp maslahatlaşyldy. Şunuň bilen baglylykda, iş toparynyň utgaşdyryjysy – Türkmenistanyň Döwlet migrasiýa gullugy toparyň agzalarynyň bu Foruma taýýarlyk işine gatnaşmaga taýyndygyny bellenildi.
«Howpsuz, düzgünleşdirilýän we yzygiderli migrasiýa» hakyndaky Ählumumy ylalaşyk BMG-niň howandarlygynda taýýarlanan ähli babatda halkara migrasiýasyna umumy çemeleşme barada dünýäde ilkinji ählumumy ylalaşykdyr. Ol 2018-nji ýylyň 10-njy dekabrynda Marokkoda geçirilen migrasiýa boýunça Hökümetara maslahatda bu ugurda halkara hyzmatdaşlygyny berkitmek maksady bilen kabul edildi.
Ählumumy ylalaşyk ýerli, milli sebit we ählumumy derejelerde migrasiýany dolandyrmak üçin maksatlaryň 23-sini öz içine alýar.