GDA agza ýurtlarynyň Migrasiýa edaralarynyň ýolbaşçylarynyň Geňeşiniň ýigrimi altynjy mejlisine Azerbaýjandan, Ermenistandan, Belarusdan, Gazagystandan, Gyrgyzystandan, Russiýadan, Täjigisandan, Özbegistandan, GDA-nyň Ýerine ýetiriji komitetinden we GDA agza ýurtlaryň parlamentara Assambleýasyndan bilen bilelikde Türkmenistanyň, Ýewraziýa ykdysady komissiýanyň we Kärdeşler arkalaşyklarynyň umumy konfederasiýasynyň wekilleri-de gatnaşdy.

Mejlisiň dowamynda GDA-nyň agza ýurtlarynyň migrasiýa ýagdaýlary, migrasiýa babatda milli kanunçylyga girizilen üýtgeşmeleri, migrasiýa edaralarynyň kanuny ulanyş tejribeleri, migrasiýa hyzmatlary pudagynda resminamalary alyşmagyň sanly ulgamyna geçmegi, Readmisiýa boýunça ikitaraplaýyn şertnamalary baglaşmak boýunça işleriň gidişi baradaky meselelere garaldy.

Mejlisiň barşynda oňa gatnaşyjylar GDA-nyň agza döwletleriň daşarky zähmet migrasiýasyny kadalaşdyrmagyň milli mehanizmleri, hukuk goraýjy edaralarynyň bikanun migrasiýa garşy hereket etmek çygrynda hyzmatdaşlyk etmek meseleleri boýunça 2022-nji ýylda ylmy we amaly maslahatlary geçirmäge taýýarlyk görmek we geçirmek barada durlup geçildi.

Mejlisiň dowamynda zähmet migrantlarynyň resminamalaryny özara ykrar etmegiň bitewi mehanizmini döretmek we zähmet migrasiýasy meselelerinde hyzmatdaşlagyň maksatnamasyny işläp düzmek, 2022-nji ýylyň Iş meýilnamasy, GDA-nyň agza döwletleriň migrasiýa edaralarynyň ýolbaşçylarynyň geňeşiniň nobatdaky 27-nji mejlisiniň gün tertibiniň taslamasy, geçirilmeli senesi we ýeri hem-de beýleki meselelere garaldy.

Geňeşiň indiki mejlisini 2022-nji ýylyň ikinji ýarymynda Özbegistanda geçirmek meýilleşdirilýär.