Howaşynaslaryň deslapky çaklamalaryna görä, Türkmenistanda birnäçe günläp salkyn we bulutly howa bolar. Ýurdumyzyň dürli künjeklerinde ýagyş ýagmagy mümkin. Welaýatlarda howanyň iň ýokary temperaturasy +25°C-ä ýeter.

Aşgabatda üýtgäp durýan bulutly howa bolup, gündizlerine +7…+10°C, gijelerine +4…+6°C bolmagyna garaşylýar. Hepdäniň dowamynda ýagyş ýagmagy mümkin.

Ahal welaýatynyň çäklerinde üýtgäp durýan bulutly howa we ýagyş ýagmagyna garaşylýar. Howanyň ortaça temperaturasy gündizlerine +7…+12°C, gijelerine bolsa +1…+6°C bolar. 

Balkan welaýatynda bulutly howa bolup, ýagyş gatyşykly gar ýagmagy mümkin. Howanyň temperaturasy gündizlerine +6…+11°C, gijelerine 0…+5°C, deňiz ýaka sebitlerde bolsa +2…+7°C bolar. 

Mary welaýatynda üýtgäp durýan bulutly. Howanyň  temperaturasy gündizlerine +10…+12°C, gijelerine +1…+6°C. Dynç günleri güneşli, aýdyň howa bolar. Howanyň iň ýokary derejesi gündizlerine +18…+27°C ýeter.  

Lebap welaýatynda gündizlerine +9…+14°C, gijelerine 0…+5°C. Hepdäniň ahyrynda howa açylyp, +20…+25°C çenli maýlar. Dynç alyş günlerinde ýagyn ýagmak mümkin.   

Daşoguz welaýatynda gündizlerine +2…+7°C, gijelerine –2…+3°C bolar. Ýöne sebitde howa gaty bir durnukly bolmaz. Hepdäniň ahyrynda termometriň simap sütüni  +18°C çenli galar. Emma dynç günleri bu görkezijiler +10…+12°C. çenli aşak düşer.

Kesellerden goranmagy daşary çykylanda agyz-burun örtüklerini dakynmak, arassaçylyk düzgünlerini berjaý etmek, 2 metr howpsuz aralygy saklamak bilen utgaşdyryň!