Hepdäniň dowamynda ýyly howa bolar diýlip çaklanylýar. Türkmenistanyň çäklerinde howanyň ortaça +35 gradusa çenli ýokarlanmagyna garaşylýar.

 Paýtagtymyz Aşgabatda açyk güneşli howa bolar. Howa gündizlerine +30…+35, gijelerine +16…+18 gradus bolar. Sişenbe güni howanyň temperaturasy +24 gradusa çenli peseler. Dynç günlerinde +20 gradus derejesine çenli aşak düşüp, üýtgäp durýan bulutly howa bolup, ýagyş ýagmagyna garaşylýar

Ahal welaýatynda üýtgäp durýan bulutly howa bolar. Howa gündizlerine +29…+34, gijelerine +13…+18 gradus bolar. Dynç günleri bulutly we ýagyşly howa bolup, gündizlerine +18 gradus maýyl howanyň bolmagyn gagaraşylýar.

Balkan welaýatynda howanyň temperaturasy üýtgäp durar. Hepdäniň başynda gündizlerine +29…+34, gijelerine +12…+17 gradus şemally howa bolar. Dynç günlerinde ýagyş ýagmagy mümkin. Howa +19…+23 gradus bolar.

Mary welaýatynyň çäklerinde güneşli we yssy howanyň bolmagyna garaşylýar. Howanyň temperaturasy gündizlerine +28…+33°C, gijelerine +13…+18°C derejesinde bolar. Dynç günleri bulutly +27°C çenli maýyl bolar.

Lebap welaýatynda bulutly howa bolar. Gündizlerine howanyň temperaturasy +28…+33°C, gijelerine +14…+19°C bolar. Dynç günlerinde gysga wagtlaýyn ýagyş ýagmagyna garaşylýar, howa +12…+17°C derejesinde bolar.

Daşoguz welaýatynyň ýaşaýjylaryna üýtgäp durýan bulutly howa garaşýar. Hepdäniň başynda+27…+32°C, gijelerine +12…+17°C derejesinde bolar. Dynç günleri howanyň ortaça temperaturasy +22…+29°C derejesinde bolmagyna garaşylýar. Käýerlerde ýagyş ýagar.