Şu hepdäniň dowamynda ýurdumyzda üýtgäp durýan bulutly, käbir ýerlerde ygally we az-kem şemally howanyň bolmagyna garaşylýar. Ortaça 30-35 gradus maýyl howa bolar.
Aşgabatda açyk bulutly howa bolar. Gündizlerine +32... +34, gijelerine +20... +22 gradus maýyl howa bolar. Dynç günleri howanyň gündizki temperaturasynyň +22...+24 gradusa çenli peselmegine garaşylýar. Şenbede we ýekşenbede ýagyş ýagmagy mümkin.
Ahal welaýatynda az bulutly, gündizlerine +30...+35, gijelerine +19...+24 gradus maýyl howa bolar. Dynç günleri bulutly, ýagyşly we ýelli howanyň bolmagyna garaşylýar. Ýekşenbe güni howanyň temperaturasy +22 gradusa çenli peseler we ýagyş ýagmagy mümkin.
Balkan welaýatynda açyk howa bolar. Hepdäniň başynda gündizlerine +29...+34, gijelerine bolsa +16...21 gradus şemally howa bolar. Dynç günleri bulutly we salkyn howanyň bolmagyna garaşylýar. Ygal ýagmagy mümkin.
Mary welaýatynda güneşli howa garaşylýar. Gündizlerine +30...+35, gijelerine +19...24 gradusa çenli maýyl howa bolar. Dynç günleri bulutly howa bolup, az-kem ýagyş ýagmagy mümkin. Howanyň temperaturasy +22 gradusa çenli peselip, +22...+27 gradus maýyl bolar.
Lebap welaýatynda az kem bulutly, gurak howa bolar. Gündizlerine +30...+35, gijelerine +19...+24 gradus howanyň bolmagyna garaşylýar. Dynç günleri bulutly howa bolsa-da termometriň sütüni +26 gradusy görkezer diýlip çaklanylýar.
Daşoguz welaýatynda üýtgäp durýan bulutly howa garaşylýar. Sebitde hepdäniň başynda gündizlerine +28...+33, gijelerine bolsa +16...+21 gradusa çenli maýyl howa bolar. Howanyň ortaça temperaturasy +20...+25 gradus bolar. Käbir ýerlerde ýagyş ýagmagy mümkin.
