Ýakynda Türkmenistanyň Daşary işler ministrliginiň Halkara gatnaşyklary institutyndaky Strategik barlaglar boýunça Merkeziniň ýolbaşçysy Şiri Şiriýew Azerbaýjan Respublikasynyň Diplomatik akademiýasynyň ösüş we diplomatiýa institutynyň trening-programmanyň ýolbaşçysy Nargiz Ismaýilowa bilen göni wideoaragatnaşyk arkaly duşuşyk geçirdi.

Türkmenistanyň Daşary işler ministrliginiň Halkara gatnaşyklary institutyndaky Strategik barlaglar boýunça Merkezi bir aý mundan ozal Azerbaýjanyň halkara gatnaşyklary barlaglar Merkezi bilen iş gatnaşyklaryny ýola goýandygyny bellemelidiris.

Türkmenistanyň Daşary işler ministrliginiň Halkara gatnaşyklary institutyndaky Strategik barlaglar boýunça Merkeziniň häzirki wagtda ösüş döwründe bolup, ýurdumyz bilen goňşy döwletleriň, şeýle hem Merkezi Aziýanyň sebitlerinde we Kawkazda hereket edýän kybapdaş düzümler bilen gatnaşygy ýola goýmaklygy özüniň baş wezipesi edip goýýar.

Merkeziň esasy işi Türkmenistanyň daşary syýasat strategiýasynyň talaplaryna laýyk gelýän möhüm wezipelerden ybaratdyr.

Ýakyn geljekde Merkeziň öňünde goýlan wezipeleri çözmek üçin onuň hünärmenleri ylmy we analitik materiallary alyşmak, bilelikde gyzyklandyrýan temalar boýunça barlaglary, konferensiýalary geçirmek üçin yzygiderlilikde onlaýn duşuşyklary geçirmegi göz öňünde tutýarlar.

Bu duşuşykda Türkmenistanyň Daşary işler ministrliginiň Halkara gatnaşyklary institutyndaky Strategik barlaglar boýunça Merkeziniň ýolbaşçysy Şiri Şiriýew we onuň Azerbaýjanly kärdeşi Nargiza Ismaýilowa Hazar deňzi we energetika ulgamy meseleleri boýunça esasy ugurlaryň biri hökmünde belläp, hukuk esasynda özara gatnaşyklary dowam etdirmek boýunça Ähtnama gol çekişmek barada ylalaşdylar.