Türkmenistanda şu hepdäniň dowamynda käte açyk, bulutly, käte az-kem ygally we +30 gradusa çenli maýyl howa bolar diýlip çaklanylýar.

Aşgabatda üýtgäp durýan bulutly, gündizlerine +13…+15, gijelerine +11…+13 gradus maýyl howa bolar. Hepdäniň ahyrynda howa +26 gradusdan +30 gradusa çenli maýlar. Anna we şenbe günleri ýagyş ýagmagy mümkin.

Ahal welaýatynda ümürli, gündizlerine +13…+18, gijelerine +9…+14 gradus maýyl howa bolar. Hepdäniň ahyrynda howa +31 gradusa çenli maýlar. Az-kem ýagyş ýagmagy garaşylýar.

Balkan welaýatynda geçen ýagyşlardan soň köplenç açyk howa bolar. Hepdäniň dowamynda howa +17…+22 gradusa çenli maýlar. Gijelerine +8…+13 gradus maýyl bolar. Dynç günleri käte açyk, ümürli +24…+29 gradus maýyl howa bolar.

Mary welaýatynda hepdäniň başynda ýagyş ýagmagy mümkin. Gündizlerine +13…+18, gijelerine +9…+14 gradus maýyl howa bolar. Dynç günleri howa ümürli we +25…+30 gradusa çenli maýlar.

Lebap welaýatynda gündizlerine +17…+22, gijelerine +10…+15 gradus maýyl howa bolar. Dynç günleri ümürli +25…+30° gradus maýyl howanyň bolmagyna garaşylýar.

Daşoguz welaýatynda üýtgäp durýan bulutly, käte ygally howa bolar. Hepdäniň başynda howanyň +17…+22, gijelerine +9…+14 gradus maýyl bolmagyna garaşylýar. Dynç günleri ümürli, +25…+30 gradus maýyl howa bolar.