Her ýyl bollşy ýaly mukaddes Remezan aýynyň sahawata baý Gadyr gijesi bu ýyl hem eziz Diýarymyza özüniň kerem-keramaty bilen gelýär. Däp bolşy ýaly Gadyr gijesi adamlar birek – birege bolan gatnaşyklarynda hemişekilerinden-de has mylakatly bolmaga ýykgyn edýärler. Hormatly Prezidentimiz Serdar Berdimuhamedow päkligi, ynsanperwerligi, haýry hem-de sahawatlylygy dabaralandyrýan mübärek Gadyr gijesi mynasybetli halkymyzy gutlady.
Gadyr gijesiniň sahawty barada aýtmaly bolsa, onda ilkinji nobatda mübärek gijäniň öň ýanynda hormatly Prezidentimiz tarapyndan günä geçişlik çäresiniň geçirilmegidir. Bu asylly däbe eýerip ýaňy ýakynda, ýagny 22-nji aprelde, sanly ulgam arkaly geçirlen Ministrler Kabinetiniň mejlisinde döwlet Baştutanymyz Gadyr gijesiniň öň ýanynda 514 raýaty tussaglykdan boşatmak baradaky Permana gol çekdi.
Gadyr gijesinde tagat-ybadatlar, dileg-dogalar edilip, agzaçar sadakalary berilýär. Her bir ojakda ýurdumyzyň parahat, ilimiziň abadan, hormatly Prezidentimiziň halk bähbitli alyp barýan işleriniň hemişe rowaç bolmagy dileg edilýär.
Gadyr gijesinde edilýän dilegler, berilýän sadakalar kabul bolsun!