Maýa Kulyýewa adyndaky Türkmen milli konserwatoriýasynda Türkmenistanyň Bilim ministrligi we Türkmenistanyň Medeniýet ministrligi guramagynda talyp ýaşlarynyň arasynda «Parahatçylyk sazy, dosluk, doganlyk sazy» şygar astynda «Konserwatoriýanyň zehinleri – 2022» atly bäsleşigi geçirildi.

Bäsleşigiň esasy maksady konserwatoriýanyň talyplarynyň hünär derejesini ýokarlandyrmakdan, olaryň ýerine ýetirijilik başarnyklaryny baýlaşdyrmakdan şeýle-hem has zehinli talyp ýaşlary ýüze çykarmakdan ybarat boldy.

Bäsleşik iki tapgyrda geçirilip emin agzalary tarapyndan ýeňijeler yglan edildi. Şeýlelikde 1-nji orna kamera ansambly boýunça 1-nji ýyl talyby Ýagşymyradow Erjel we saz mugallymçylyk hünäri boýunça 4-nji ýyl talyp Raimowa Firuza, 2-nji orna kompozisiýa hünäri boýunça 4-nji ýyl talyby Şammyýew Döwran mynasyp boldular.

Bulardan başga-da jemi 19 sany 1-nji orun, 18-sany 2-nji orun, 7 sany hormat hatlary ýeňiji bolanlara gowşuruldy. Bu bäsleşigiň dowamynda talyp ýaşlar tarapyndan türkmen halk we dünýä meşhur daşary ýurt aýdym-sazlaryny, şeýle-de türkmen kompozitorlarynyň döreden uly göwrümli ajaýyp eserlerini ýerine ýetirmek bilen özleriniň ussatlyklaryny görkezdiler.