Ï Hindistnyň meşhur kino aýdymlarynyň owazy konserwatoriýada ýaňlandy
mail-icon
altynasyr.newspaper@sanly.tm
EN RU TK

Hindistnyň meşhur kino aýdymlarynyň owazy konserwatoriýada ýaňlandy

view-icon 4910
Hindistnyň  meşhur kino aýdymlarynyň owazy konserwatoriýada ýaňlandy
Hindistnyň  meşhur kino aýdymlarynyň owazy konserwatoriýada ýaňlandy
Hindistnyň  meşhur kino aýdymlarynyň owazy konserwatoriýada ýaňlandy
Hindistnyň  meşhur kino aýdymlarynyň owazy konserwatoriýada ýaňlandy
Hindistnyň  meşhur kino aýdymlarynyň owazy konserwatoriýada ýaňlandy
Hindistnyň  meşhur kino aýdymlarynyň owazy konserwatoriýada ýaňlandy
Hindistnyň  meşhur kino aýdymlarynyň owazy konserwatoriýada ýaňlandy
Hindistnyň  meşhur kino aýdymlarynyň owazy konserwatoriýada ýaňlandy
Hindistnyň  meşhur kino aýdymlarynyň owazy konserwatoriýada ýaňlandy
Hindistnyň  meşhur kino aýdymlarynyň owazy konserwatoriýada ýaňlandy
camera-icon
Alekseý Gimalitdinow

Hindi kinematografynyň meşhur sazlaryndan düzülen şowhunly, many-mazmunly, tolgundyryjy konserti  M. Kulyýewa adyndaky Türkmen milli konserwatoriýanyň estrada sungaty boýunça bilim alýan talyplary tomaşaçylara sowgat berdiler.

Wokalçylaryň milli geýimleri we al-elwan saralar, şeýle-de  heniz hem köpleri tolgundyrýan uly teleekran arkaly görkezilen  — «Tansor disko», «Bobbi», «Tansuý, tansuý» we beýleki filimlerden gysgajyk bolekler  hindi filimleriniň howasyna  çuňňur aralaşmaga ýardam etdi.

Özüne çekiji hindi sazynyň dünýäsine aralaşmak, iki doganlyk — hindi we türkmen halklarynyň özara düşünişmek we  dostlukly gatnaşyklary mundan  beýlär-de ösdürnek  maksady bilen,  bu ýatdan çykmajak agşamy konserwatoriýanyň estrada bölüminiň müdiri, estrada orkestriniň drižýory  Maýsa Mämmetjumaýewa gurady.

- Hindi kinofilimlerinden gurnalan uly konsert estrada sungatynyň hepdeligini açdy.  Ýakyn günlerde biziň kafedramyzyň işlerine bagyşlanyp, nusgawy we wideoşekilli konsert we beýleki çäreler geçiriler. Şu koserti guramak pikiri  has öňräk döredi. Ony amala aşyrmak hem-de çeper, labyzly we ynandyryjy bolmagy   üçin, biz talyplar bilen hindi aýdymlarynyň latyn dilindäki tekstini tapdyk, owazynyň asyl nusgasyny diňledik  diýip, - Maýsa Mämmetjumaýewa gürrüň berdi.

Aýdymçylaryň labyzly ýerine ýetiren aýdymlary märekede ýatdan çykmajak täsirler galdyrdy we şowhunly el çarpyşmalar bilen garşylandy. Ýadygärlik üçin tomaşaçylar  ykjam telefonlaryna konsertiň iň gowy pursatlaryny surata düşürdiler.

Aýratynda tomaşaçylaryň kalplaryny M. Kulyýewa adyndaky Türkmen milli konserwatoriýasynyň ýanyndaky Ýöriteleşdirilen sazçylyk mekdep-internadynyň okuwçysy Iskender Rejepowyň ýiti we owazly sesi tabyn etdi. Her ýylky «Merjen däneleri» wokal bäsleşigine gatnaşyjy Iskender « Tansuý, tansuý » kinofilimnden «Аgaýa, аgaýa» hindi aýdymyny ýerine ýetirdi.

Sazlaşykly hindi tanslary hem gaýtalandy. Aýdymçy jübütler Jora Joraýew bilen  Jennet Mekanowa «Durmuşda hemme zat bolýar» kinofiliminden tans sahnasyny takyk gaýtaladylar. Konserte gatnaşanlaryň köpüsi türkmen artistiniň hindi kinematografynyň ýyldyzy Şakryuh Hana meňzeşdigini bellediler. 

Gyzykly konsert programmasy Mansur Şaripow bilen Ýagşygül Omarowanyň «Danse is Life» hiti bilen tamamlandy. Talyplar tomaşaçylary şeýle bir tolgundyrdylar welin konsert tamamlanandan soň hem her kim ahyrky aýdymy gaýtalaýardy we özlerini bendi eden zehinler bilen surata düşmäge howlugýardylar.