Ï Türkmenistanda yssy howa ýokary derejä ýetensoň, peselip başlar
mail-icon
altynasyr.newspaper@sanly.tm
EN RU TK

Türkmenistanda yssy howa ýokary derejä ýetensoň, peselip başlar

view-icon 3708

Türkmenistanda yssy howa iýun aýynyň ahyryna çenli dowam eder. Hepdäniň dowamynda howanyň iň ýokary temperaturasy +47 gradusa golaýlar. Dynç günlerine golaý etraplaryň aglabasynda temperaturanyň gündizki görkezijileri peseler diýlip çak edilýär.

Aşgabat şäherinde açyk we şemally howa bolar. Gündizlerine +42…+46 gradus yssy, gijelerine +27…+29 gradus maýyl howa bolar. Dynç günleri yssy howa +35…+38 gradusa çenli peseler.

Ahal welaýatynda güneşli howa bolar. Howa gündizlerine +41…+42 gradus, gijelerine +27…+30 gradus maýyl gradus bolar.

Balkan welaýatynda az-kem bulutly we şemally howa bolar. Gündizlerine +38…+39, gijelerine +22…+24 gradus maýyl bolar.

Mary welaýatynda aýdyň we şemally howa bolar. Gündizlerine howa +42…+46 gradus yssy, gijelerine +27…+30 gradus maýyl howa bolar.

Lebap welaýatynda şemally howa bolar. Gündizlerine +45…+47 gradus yssy, gijelerine +27…+29 gradus maýyl howa bolar.

Daşoguz welaýatynda wagtal-wagtal açylýan bulutly howa bolar. Howanyň temperaturasy gündizlerine +42…+44, gijelerine +28…+31 gradus bolar. Dynç günleri ortaça temperatura görkezijileri +32…+36 gradusa deň bolar.

Gün urmaz ýaly, göni düşýän gün şöhlesinden gaça durmaklyk maslahat berilýär. Başgap geýmegi maslahat berýäris ýa-da saýawan götermegi teklip edýäris. Yssy günlerde köpräk ter miweleri we suwukluk içmegi maslahat berýäris.