Marynyň «Merw» topary we Türkmenbaşy şäheriniň «Şagadam» topary futbol boýunça Türkmenistanyň çempionatynda bassyr iki gezek ýeňiş gazandylar.
Milli birinjiligiň ikinji tapgyrynda türkmenbaşylylar Balkanabatda myhmançylykda Ýunus Orazmämmedowyň duşuşygyň 45-nji minutynda «Nebitçiniň» derwezesine geçiren pökgüsi netijesinde 1:0 hasabynda ýeňiş gazandylar.
«Merw» bolsa Maryda çekeleşikli geçen oýunda «Energetigi» 2:1 hasabynda utdy. Oýnuň birinji ýarymynda meýdança eýelerinden Musa Nurnazarow 29-njy minutda tapawutlandy, arakesmeden soň myhmanlardan Alibek Abdurahmanow 66-njy we 80-nji minutlarda garşydaşlarynyň derwezesine iki pökgi saldy. Goşmaça wagtyň 92-nji minutynda Serdar Annamämmedow («Energetikden») we Ýagşysähet Döwletgeldiýew («Merwden») meýdançadan çykaryldy.
Şu ýeňişdem soň «Şagadam» we «Merw» 6 utuk bilen ýaryşda öňe saýlandylar. «Köpetdagyň», «Altyn asyryň» we «Ahalyň» 3 utugy bar. Ýöne soňky iki topar bir oýun az oýnady.