Türkmenistan we HHR gaz boýunça ikitaraplaýyn hyzmatdaşlygy ösdürmek barada ylalaşdylar. Bu barada Türkmenistanyň Prezidenti Serdar Berdimuhamedow bilen Hytaý Halk Respublikasynyň Başlygy Si Szinpiniň arasynda geçirilen gepleşikleriň jemleri boýunça ikitaraplaýyn gol çekilen Bilelikdäki beýannamada aýdylýar.

Resminamada taraplar Türkmenistan bilen Hytaýyň gaz boýunça toplumlaýyn hyzmatdaşlygyň bu ugrunda – önümçilikde, turbageçirijiler boýunça akdyrmakda, söwdada, maliýeleşdirmekde we tehniki üpjünçilikde ülňüsiniň döredilendigini belleýärler.

Türkmenistanyň we Hytaýyň energetika babatda hakyky strategik hyzmatdaşlar bolup durýandyklary resminamada aýratyn bellenilýär.

Özara düşünişmek, akýüreklilik, açyklyk we özara bähbitli ýörelgelere eýerip, Taraplar mundan beýläk-de hereket edýän şertnamalary doly ýerine ýetirerler, gaz hyzmatdaşlygy boýunça gepleşikleri ilerlederler, «Galkynyş» gaz känini senagat taýdan işläp geçmegiň ikinji tapgyryny, «Türkmenistan–Hytaý» gazgeçirijisiniň D ulgamynyň gurluşygyny we beýleki bilelikdäki iri taslamalary amala aşyrmagy çaltlandyrarlar, gaz senagatynda hyzmatdaşlygy işjeňleşdirerler» diýlip, Türkmenistan we Hytaý tarapyndan gol çekilen Bilelikdäki Beýannamada aýdylýar.