Ï Teatr durmuşy: sapardaky çykyşlar we ilkinji görkeziliş
mail-icon
altynasyr.newspaper@sanly.tm
EN RU TK

Teatr durmuşy: sapardaky çykyşlar we ilkinji görkeziliş

view-icon 5599
Teatr durmuşy: sapardaky çykyşlar we ilkinji görkeziliş

Mart aýynyň başynda Magtymguly adyndaky milli sazly drama teatrynyň sahnasynda “Ajaýyp gaýynene” oýnunyň ilkinji görkezilişi boldy.

Özbek awtorynyň eseri esasynda goýlan bu oýun halk köpçüligi tarapyndan gyzgyn garşylanyp, teatrda görkezilýän spektakllaryň sanawynda berk orny eýeledi. Türkmenistanyň at gazanan artisti Nury Hudaýgulyýewiň režissýorlygyndaky aýdym-saz bilen bezelen bu oýun nesilleriň arasyndaky gatnaşygy açyp görkezmek bilen, tomaşaçylara ahlak sapagyny berýär.

Gaýyneneleriň ýiti häsiýetli keşplerini Türkmenistanyň at gazanan artistleri Aýsoltan Kowusowa we Narjan Berdiýewa ýerine ýetirýär.

Ýetip gelýän ýekşenbede, ýagny 2-nji aprelde Magtymguly adyndaky milli sazly drama teatry islegi bolanlary özbek öwüşginli, gülküli oýna tomaşa etmäge çagyrýar. Oýun 19:00-da başlanýar.

Türkmenabat şäherinde Alp Arslan adyndaky milli drama teatrynyň sapardaky çykyşlary dowam edýär. Paýtagtymyzyň artistleri Seýitnazar Seýdi adyndaky döwlet sazly drama teatrynyň sahnasynda çykyş edýärler.

Tomaşaçylara aýdym-sazly gülküli konsertler, oýunlardan bölekler we estrada çykyşlary hödürlenýär.