Täjigistandan gelen wekiliýet Türkmenistanyň Döwlet gümrük gullugyna baryp gördi. Bu barada Türkmenistanyň gümrük gullugynyň web-saýtynda habar berilýär.

Wekiliýet Täjigistan Respublikasynyň Prezidentiniň Diwanynyň, Daşary işler ministrliginiň, serhet we gümrük gullugynyň işgärlerinden ybarat. Myhmanlar Türkmenistanda gümrük işiniň guralyşy, işde ulanylýan iň täze tehnologiýalar, şol sanda kompýuterleşdirilen ASYCUDA WORLD gümrük dolandyryş ulgamy bilen tanyşdylar. Ol 2020-nji ýylda işe girizildi.

Täjigistandan gelen wekiller Türkmenistanyň Döwlet gümrük gullugynyň gözegçilik merkezine-de baryp gördüler, ol ýerde ähli gümrük nokatlarynyň işine merkezleşdirilen gözegçilik amala aşyrylýar.

ÝHHG bilen hyzmatdaşlygyň çäginde guralan bu saparyň dowamynda Täjigistanyň delegasiýasy Halkara gümrük terminalyna we Türkmenistanyň Döwlet gümrük gullugynyň ýanyndaky okuw merkezine baryp gördi.