2023-nji ýylyň 25-nji awgustynda Türkmenistan Mejlisiniň Başlygy D.Gulmanowa, düýn biziň ýurdumyza sapar bilen gelen Palestina Döwletiniň Daşary işler we daşary ýurtlarda ýaşaýan Palestinalylaryň işleri boýunça ministri Riýad al-Maliki bilen duşuşdy.

Türkmenistanyň DIM-niň habar berişi ýaly, gepleşikleriň dowamynda Palestinanyň daşary syýasat edarasynyň ýolbaşçysyna Türkmenistanyň Baştutany tarapyndan alnyp barylýan içerki we daşary syýasatyň ileri tutulýan ugurlary barada maglumat berildi, onuň iň möhüm ugry dünýä parahatçylygynyň bähbidine giň halkara hyzmatdaşlygynyň ýola goýulmagy we durnukly ösüş bolup durýar. Diplomat Mejlisiň gurluşy we işi, kanun çykaryjylyk pudagynda dowam edýän düýpli özgertmeler bilen hem tanyşdyryldy.

Mejlisiň başlygy häzirki wagtda Türkmenistanda bu ugurda iň gowy dünýä tejribesini öz içine alýan berk kanunçylyk binýadynyň döredilendigini aýtdy. Innowasiýa özgertmelerine durnukly itergi beren işlenip düzülen we kabul edilýän möhüm kanunlar we düzgünler, Türkmenistanyň Prezidenti tarapyndan kesgitlenen syýasy, ykdysady we jemgyýetçilik ösüş meseleleriniň üstünlikli çözülmegine gönükdirilendir.

Soňra Türkmenistanyň Daşary işler ministrliginde Palestina Döwletiniň Daşary işler we daşary ýurtlarda ýaşaýan Palestinalylaryň işleri boýunça ministri Riýad Al-Maliki bilen Türkmenistanyň Daşary işler ministri Raşid Meredowyň arasynda saparyň netijeleri boýunça duşuşyk geçirildi.

Türkmenistan we Palestina Döwletiniň Daşary işler ministrlikleriniň ýolbaşçylary taraplaryň her ýyl iki ýurduň Daşary işler ministrlikleriniň arasynda, şeýle hem halkara maslahatlaryň we mejlisleriň çäginde özara gyzyklanma bildirilýän meseleler boýunça iki döwletiň BMG-niň we beýleki halkara guramalarynyň ýanyndaky hemişelik wekilhanalary bilen geňeşmeleriň geçirjekdigini nygtadylar.

Duşuşykda işewürlik gatnaşyklar üçin esas döretmek meselesi ara alnyp maslahatlaşyldy. Şeýle hem Türkmenistan bilen Palestinanyň Halkara hyzmatdaşlyk agentliginiň (PICA) hyzmatdaşlygynyň mümkinçiliklerine garaldy.

Soňra ikitaraplaýyn resminamalara gol çekmek dabarasy geçirildi. Olar:

– Türkmenistanyň Daşary işler ministrligi bilen Palestina Döwletiniň Daşary işler we daşary ýurtlarda ýaşaýan Palestinalylaryň işleri boýunça ministrliginiň arasynda syýasy geňeşmeler hakynda Teswirnama;

– Türkmenistanyň Hökümeti bilen Palestina Döwletiniň Hökümetiniň arasynda Bilelikdäki hökümetara komitetini döretmek barada özara düşünişmek hakynda Ähtnama.