Lebap welaýatynyň Dänew hem-de Saýat etrabynyň ýaşaýjylary hem-de saglygy goraýyş işgärleri Saglygy goraýyş we derman senagaty işgärleriniň gününde ajaýyp baýramçylyk sowgadyny peşgeş aldylar. Bu etraplaryň merkezlerinde «Bäş ýol» hususy kärhanasy tarapyndan durky täzelenen, häzirki zaman lukmançylyk enjamlary ornaşdyrylan döwrebap hassahanalar dabaraly ýagdaýda açylyp, ulanylmaga berildi. Dänew we Saýat etraplarynyň ýaşaýjylaryna hyzmat etjek bu hassahanalarda keselleriň öňüni almak, anyklamak we bejermek üçin ähli şertler döredilendir. Durky täzelenen hassahanalaryň ikisinde hem Germaniýa, Şweýsariýa, Beýik Britaniýa, Russiýa Federasiýasy, ABŞ, Italiýa we beýleki döwletleriň dünýä belli kompaniýalarynyň häzirki zaman lukmançylyk enjamlarynyň 200-den gowragy oturdylypdyr. Olardan tomografiýa, rentgen, ultrases, EKG, laboratoriýa-barlag we beýleki kämil enjamlary görkezmek bolar. Hassahanalaryň hersine berlen, zerur lukmançylyk enjamlary oturdylan, gaýragoýulmasyz ilkinji lukmançylyk kömegini bermäge niýetlenen «Toýota» kysymly awtoulaglar bu ýerlerde öňden bar bolan «Tiz kömek» awtoulaglarynyň üstüni ýetirer.
![]() |
![]() |
![]() |
![]() |
![]() |
![]() |
![]() |
![]() |
Raýatlarymyzyň sagdyn, bagtyýar durmuşyny üpjün etmäge gönükdirilen Dänew etrap hassahanasy 154 näsag üçin niýetlenendir we bu ýerde lukmançylyk ugurlarynyň ählisini öz içine alýan 11 sany bölüm hereket eder. Şeýle hem bu ýerde 360-a golaý saglygy goraýyş hem-de dolandyryş ugry boýunça işgärler öz saglyklaryny bejerdýän raýatlarymyzyň hyzmatynda bolarlar. Hassahanada zähmet çekjek saglygy goraýyş işgärleriniň 103-si lukmanlar, 121-si şepagat uýalary, 60-sy bolsa kiçi şepagat uýalarydyr.
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
Welaýatyň durky täzelenen Saýat etrap hassahanasy hem 150 näsaga niýetlenip, onda dürli ugurly bölümleriň 10 sanysy saglygyny dikeltmäge gelýän raýatlarymyza hyzmat eder. Şeýle hem hassahanada işgärleriň jemi 335 sanysy bolup, olaryň 77-si lukmanlar, 151 sanysy şepagat uýalary, 56-sy bolsa kiçi şepagat uýalarydyr.
![]() |
![]() |
![]() |
![]() |
![]() |
![]() |
Durky täzelenen hassahanalaryň ýanaşyk ýerleri hem abadanlaşdyrylyp, bag nahallary we dürli görnüşli güller ekilipdir.
![]() |
![]() |
Berkarar Watanymyzyň ähli ýerinde döwrebap hassahanalaryň, saglyk öýleriniň we merkezleriniň, şypahanalaryň, beýleki saglyk edaralarynyň yzygiderli gurlup ulanylmaga berilmegi, olaryň maddy-enjamlaýyn binýadynyň dowamly berkidilmegi döwletimiz tarapyndan raýatlarymyzyň saglygyny goramak, ýurdumyzyň saglyk ulgamyny dünýä derejesine çykarmak, saglygy goraýyş işgärleriniň ýaşaýyş-durmuş derejesini yzygiderli ýokarlandyrmak baradaky tagallalaryň iş ýüzünde durmuşa geçirilýändiginiň aýdyň subutnamalarydyr.