Türkmenistanyň Döwlet gümrük gullugynyň wekiliýeti Bütindünýä gümrük guramasynyň Hemişelik tehniki komitetiniň Brýusselde geçirilen 241-nji we 242-nji mejlislerine gatnaşdy.
Ýurduň gümrük gullugynyň saýtynyň habaryna laýyklykda, mejlisiň gün tertibinde «Ýaşyl gümrükhana» geçmekdäki öňegidişlik ara alnyp maslahatlaşyldy.
«Ýaşyl gümrükhana» dünýä ýurtlarynyň ählisiniň halkara başlangyjydyr, ol gümrük edarasynyň işine olaryň işiniň yzygiderli ösüşi arkaly täsir edip, durnukly ykdysady ösüşe ýardam edýär. Ol ekologiýa duýgur harytlara dogry gözegçilik etmekde gümrük hyzmatlarynyň işleýşini ýokarlandyrmaga gönükdirilendir. Bu maksatnama şeýle hem gümrük işgärlerini bu ugurda taýýarlamagy, milli we halkara derejesinde okuwlary geçirmegi göz öňünde tutýar.
Oňa gatnaşanlar «Ýaşyl gümrükhana» başlangyjynyň çäklerinde utgaşdyrylan okuwlary yzygiderli geçirmegi teklip etdiler.
