Türkmenistanyň Statistika baradaky döwlet komitetiniň wekilleri Ýaponiýanyň Halkara hyzmatdaşlyk agentliginiň (JICA) guramagynda 2024-nji ýylyň 5-15-nji fewraly aralygynda Tokio şäherinde Tehniki hyzmatdaşlyk maksatnamasynyň çäklerinde geçirilen Statistiki hasabatynyň, usulyýetiniň, ulanylyşynyň we üpjün edilmeginiň sanawyny düzmek boýunça okuw maksatnamasyna gatnaşdylar. Bu barada Türkmenistanyň DIM-i habar berýär.
Okuw maksatnamasynyň dowamynda Ýaponiýanyň Halkara hyzmatdaşlyk agentliginiň (JICA) wekilleri bilen Türkmenistanyň Statistika baradaky döwlet komitetiniň düzümleýin müdirlikleriniň ýolbaşçylarynyň arasynda statistiki hasabat çeşmeleriniň döredilmeginiň we ulanylmagynyň hem-de olaryň mundan beýläk kämilleşdirilmeginiň esasy ugurlary ara alnyp maslahatlaşyldy.
Maslahata gatnaşyjylar prezentasiýa bilen çykyş etdiler hem-de milli statistika ulgamlaryny kämilleşdirmek we döwrebaplaşdyrmak, esasy makroykdysady görkezijileriň statistik bahalarynyň hilini we ygtybarlylygyny ýokarlandyrmak ugrunda esasy maksatlar barada bellediler.
