Türkmenistanyň demirgazygynda köpçülikleýin möçberde ösdürilýän oba hojalyk ekinleriniň sanawynda däne ekinleri berk orun aldylar.

Şeýlelik bilen, bu ýyl mäş ekmek üçin bölünip berlen ýerleriň umumy meýdany 7300 gektar boldy.

Akdepe etrabynyň daýhanlary beýlekilerden has köp hasyl ýygnamagy maksat edinýärler – olar güýzde iki ýarym müň tonnadan gowrak, Köneürgenç we S.Türkmenbaşy etraplarynyň daýhanlary bolsa bir ýarym müň tonnadan gowrak mäş hasylyny ýygnamagy meýilleşdirýärler. Bu ekiniň başga bir görnüşi barada aýdylanda bolsa, sebitde 410 gektar ýer bölegi noýba ekmek üçin bölünip berildi.

Onuň esasy öndürijileri bolan Akdepe we Boldumsaz etraplary her gektardan 15 sentner hasyl almak bilen, degişlilikde 180 we 120 tonna gymmat bahaly önüm almaklygy meýilleşdirýärler. Umuman alanyňda, şu ýyl welaýatda 615 tonna noýba hasylyny almak meýilleşdirilýär.

Belli bolşy ýaly, mäş hem noýba ekin dolanyşygynda uly orun eýeleýär. Olar däneli ekinleriň we ösümlik belogynyň önümçiligini artdyrmakdan başga-da, meliorasiýa düzümini gowulandyrmaga we topragy berkitmäge kömek edýär.

Bu ekinleriň ýetişýän wagtlary ýerli howa şertlerine laýyk gelmek bilen, olary aralyk ekin hökmünde ekmäge hem mümkinçilik berýär.

Mäş hem noýba ýerli naharlarda köpden bäri ulanylýan we bu ýerlerde uzak ýyllar bäri yzygiderli ekilip gelinýän ösümliklerdir.