Türkmenistanyň wekiliýeti Türki döwletleriň guramasyna girýän ýurtlardan bolan meýletinçileriň 12–16-njy awgustda Gyrgyzystanda geçiriljek halkara mekdebine gatnaşýar.

Bu çäre meýletin gatnaşyklary berkitmäge, durmuş, ykdysady, daşky gurşaw we beýleki meseleleri çözmekde meýletinçiligiň ornuny ýokarlandyrmaga, meýletinçiligi ösdürmäge we goldamaga gönükdirilendir.

Bu halkara mekdep guramalaryň arasyndaky gatnaşyklary berkitmäge we ýaşlaryň meýletin çärelere giňden çekilmegine ýardam edýän meýletinlik işi boýunça tejribe, bilim we görelde alyşmak üçin ýerlik bolup hyzmat edýär.

Türkmenistanda meýletinçilik döwletiň, jemgyýetçilik guramalarynyň we halkara gurluşlaryň goldawy bilen çalt ösýär. Meýletinçiler hereketini ösdürmegiň kanuny esaslary «Meýletinçilik hakda» Türkmenistanyň Kanunydyr. Bu kanun işiň esasy ýörelgelerini we görnüşlerini, maksatlaryny we wezipelerini, bu çäreleri amala aşyrmagyň esasy şekillerini we tertibini, şeýle hem meýletinçilige döwlet goldawy çärelerini kesgitleýär.