Şu günler Daşoguz welaýatynyň Şabat etrabynyň «Gülistan» geňeşliginiň «Parahat» obasynda ýaşaýyş jaýlarynyň dördüsiniň gurluşygy güýçli depginlerde alnyp barylýar.

Olardan 16 öýli dört gatly binany «Guwançly bina» hususy kärhanasynyň hünärmenleri gurýarlar. Hersi 24 öýli beýleki dört gatly üç binany «Наýyrly ynsan» hususy kärhanasynyň gurluşykçylary gurýarlar.

Täze binalar welaýat dolandyryş merkezinden Görogly etrabyna barýan awtoulag ýolunyň ugrunda ýerleşýär. Gurluşykda binalaryň hiline, işleýşine we daşky gurşawyň talaplaryna laýyk gelmegine uly üns berilýär.

Täze binalaryň golaýynda, ýoluň garşysynda «Türkmendemirbetonönümleri» ÖB-niň Daşoguzdaky demirbeton önümleri zawodynyň gurluşyk bölüminden kömekçi potratçy hökmünde iş bölüp alan ýerli hususy kärhanalaryň ikisiniň guran dört gatly ýaşaýyş jaýynyň ikisi ulanmaga berildi.

Daşoguz şäherine ýakyn ýerde ýerleşýän bu obanyň çäginiň abadanlaşdyrylmagy onuň düzümleriniň yzygiderli ösmegine gönükdirilendir.