Onuň Alyhezreti,
Türkmenistanyň Prezidenti
jenap Serdar Berdimuhamedowa
Hormatly jenap Prezident!
Hytaý Halk Respublikasynyň esaslandyrylmagynyň 75 ýyllygy mynasybetli iberen gutlag hatyňyz üçin Size tüýs ýürekden hoşallygymy beýan edýärin.
Geçen ýyl biz Siziň bilen iki gezek duşuşdyk, bilelikde hytaý-türkmen gatnaşyklaryny hemmetaraplaýyn strategik hyzmatdaşlyk derejesine çykarmak, şeýle hem ikitaraplaýyn derejede “Bitewi ykbal bileleşigi” konsepsiýasyny durmuşa geçirmek barada ylalaşdyk.
Men hytaý-türkmen gatnaşyklaryny ösdürmäge uly üns berýärin hem-de kuwwatly döwleti gurmak maksadyndan ugur alyp, iki ýurduň halklarynyň abadançylygynyň bähbidine Hytaýyň we Türkmenistanyň “Bitewi ykbal bileleşigi” konsepsiýasyny bilelikde durmuşa geçirmek üçin tagalla etmäge taýýardyryn.
Size berk jan saglyk, abadançylyk, Türkmenistana ösüş hem-de rowaçlyk, türkmen halkyna bolsa bagtyýarlyk we abadançylyk arzuw edýärin.
Si Szinpin,
Hytaý Halk Respublikasynyň Başlygy.
***
Onuň Alyhezreti,
Türkmenistanyň Prezidenti
jenap Serdar Berdimuhamedowa
Siziň Alyhezretiňiz, jenap Prezident,
Milli baýram — Türkmenistanyň Garaşsyzlyk güni mynasybetli Siziň Alyhezretiňize we Türkmenistanyň doganlyk halkyna tüýs ýürekden gutlaglarymy ibermek meniň üçin uly hormatdyr.
Yslam Hyzmatdaşlyk Guramasy (YHG) Türkmenistan bilen berk gatnaşyklara uly ähmiýet berýär we umumy maksatlary ilerletmek boýunça bilelikdäki tagallalarda onuň ornuna ýokary baha berýär. YHG hem hut şu maksat bilen döredildi. Guramamyz gatnaşyklary giňeltmek boýunça alyp barýan işini dowam etdirer. Biziň guramamyza agza döwletleriň arasynda ylalaşygy pugtalandyrmakda we bilelikde işlemek üçin täze mümkinçilikleri açmakda Siziň Alyhezretiňiziň goldawyna bil baglaýaryn.
Jenap Prezident, Size tüýs ýürekden hormat goýýandygym baradaky ynandyrmalarymy we iň gowy arzuwlarymy kabul etmegiňizi haýyş edýärin!
Hisseýn Brahim Taha,
Yslam Hyzmatdaşlyk Guramasynyň Baş sekretary.
***
Onuň Alyhezreti,
Türkmenistanyň Prezidenti
jenap Serdar Berdimuhamedowa
Türkmenistanyň Garaşsyzlyk güni mynasybetli Müsüriň halkynyň adyndan Siziň Alyhezretiňize we türkmen halkyna mähirli gutlaglarymy iberýärin.
Müsür Türkmenistan bilen dostlukly gatnaşyklara ýokary baha berýär. Şol gatnaşyklar köp ýyllaryň dowamynda üstünlikli ösdürilýär. Bilelikdäki işleriň netijesinde iki ýurduň arasyndaky köpugurly hyzmatdaşlygyň mundan beýläk-de ösdüriljekdigine hem-de biziň halklarymyzyň ýagty geljegine ýardam etjekdigine ynanýaryn.
Mümkinçilikden peýdalanyp, jenap Prezident, Size ähli gowulyklary, abadançylyk we üstünlik, Türkmenistanyň dostlukly halkyna bolsa rowaçlyk, ösüş arzuw edýärin!
Tüýs ýürekden hormatlamak we hoşallyk bildirmek bilen,
Abdel Fattah Al-Sisi,
Müsür Arap Respublikasynyň Prezidenti.
