Paýtagtymyzyň kinoteatrlarynda Ermenistan Respublikasynyň Türkmenistandaky Medeniýet günleriniň çäklerinde https://turkmenistan.gov.tm/ru/post/88956/v-ashhabade-prohodyat-dni-kultury-respubliki-armeniya «Ermenifilm» kinostudiýasynyň altyn gaznasyna girýän filmler we multfilmler görkezilýär.

Filmleriň görkezilişi «Aşgabat» kinoteatrynda görkezilen «Şarpyk» filmi bilen açyldy. Ermeni režissýory Genrih Malaýanyň bu ajaýyp işi tomaşaçylara adamlaryň özara gatnaşyklary, hatyra we köne düşünjä garşy göreş barada täsirli hekaýaty gürrüň berýär.

Bu film bilen bir wagtda «Watan» kinokonsert merkezinde animasiýa filmleri görkezildi. Robert Saakýansyň ermeni halk ertekileri esasynda sazly fantaziýasy bolan «Ak köpükli gök deňizde,...» atly suratly multfilmi tomaşaçylaryň ünsüni özüne çekdi. Bu film ululary geçmiş ýatlamalaryna atarsa, çagalary çeper animasiýasy we ajaýyp sazy bilen begendirdi.

Çäräniň ikinji güni türkmen tomaşaçylary «Watan» kinokonsert merkezinde ermeni kinosynyň ajaýyp eseri – «Aýrik» filmine tomaşa etmäge mümkinçilik aldylar. Zala talyplar, mugallymlar, paýtagtymyzyň ýaşaýjylary we myhmanlary ýygnandy. Filmiň çuňňur ýordumy we duýgulara baýlygy tomaşaçylarda aýratyn ýatdan çykmajak täsir galdyrdy.

Tomaşaçylaryň käbiri Ermenistanyň Medeniýet günleriniň çäklerinde meýilleşdirilen çärelere gatnaşmaga çalyşýandygyny aýtdylar, munuň özi ermeni halkynyň sungatynyň we däp-dessurlarynyň uly gyzyklanma döredýändigine şaýatlyk edýär.

«Ermenifilm» kinostudiýasynyň altyn gaznasyndan filmleriň görkezilişi «Bagdasar-Ahpar» pýesasy esasynda goýlan «Bagdasar nikasyny bozýar» atly komediýa bilen tamamlanar.

Filmiň režissýory Grigoriý Melik-Awakýan ony retro filmleriň ermeni ugry görnüşinde surata düşüripdir, şonuň üçinem film özüne çekijiligini ýitirmedi we häzirki wagtda hem uly höwes bilen tomaşa edilýär. Frunzik Mkrtçýan we Laura Wartanýan baş rollarda tomaşaçylary begendirer. Arno Babajanyanyň ýazan aýdymlary filmiň ruhuny has-da baýlaşdyrýar, oňa aýratyn sazlaşyk berýär.