2024-nji ýylyň 2-nji noýabrynda Magtymguly adyndaky milli sazly drama teatrynda simfonik saz muşdaklary üçin Türkmenistanyň at gazanan medeniýet işgäri Röwşen Nepesowyň konserti bolar.
Konserte Röwşen Nepesowyň kamera orkestri üçin ýazan eserleri girer, olaryň arasynda kompozitoryň beýik şahyrymyz Magtymguly Pyragynyň doglan gününiň 300 ýyllygyna bagyşlap, skripka we kamera orkestri üçin ýazan «Pyragy» atly sazly şygyr dessany-da bar. Tomaşaçylaryň öňünde artdyrylan düzümdäki «Kamerata Aşgabat» ansambly Bahram Dolyýewiň ýolbaşçylygynda çykyş eder.
Konsert 18:00-da başlanar.
