Mugallymlardan we mekdep okuwçylaryndan ybarat Türkmenistanyň wekiliýeti Gazagystanyň Almaty şäherinde geçiriljek mugallymlaryň üçünji halkara maslahatyna, mekdep okuwçylarynyň ikinji halkara festiwalyna we birinji howa baradaky halkara mekdebine gatnaşarlar.

Çäreleri BMG-niň Ösüş maksatnamasynyň Gazagystandaky edarasy we Gündogar Ýewropa hem-de Merkezi Aziýa boýunça sebit edarasy geçirýärler. Olara Ermenistandan, Belarusdan, Gazagystandan, Gyrgyzystandan, Serbiýadan, Täjigistandan we Özbegistandan ýaşlar hem-de mugallymlar ýygnanarlar.

Bilermenleriň gatnaşmagyndaky amaly sapaklar, taslamalar bilen tanyşdyrylyşlar we çykyşlar ýaşlardyr mugallymlary howa bilen baglanyşykly bilimini mekdep meýilnamalaryna goşmaga, howanyň üýtgemegi baradaky habardarlygyny ýokarlandyrmaga ruhlandyrýar.