USAID-iň Häzirki zaman hünärleri ösdürmek taslamasy (YDA) “TechYouth Bootcamp” maksatnamasynyň Marydaky 2-nji tapgyryny üstünlikli tamamlady. Maksatnama “Akylly hyzmat” hojalyk jemgyýetiniň “Algoritm” okuw merkezi bilen hyzmatdaşlykda 2024-nji ýylyň maý-noýabr aralygynda amala aşyryldy.

USAID-iň YDA taslamasynyň “TechYouth Bootcamp” maksatnamasy IT ugurlar boýunça ýaş hünärmenleri taýýarlamaga gönükdirilendir we “bootcamp” formatynda “doly çümmek” görnüşinde intensiw kurslaryny öz içine alýar. Bu maksatnama 2022-nji ýylda başlandy we şondan bäri Aşgabatda, Maryda we Türkmenabatda üstünlikli amala aşyryldy.

2024-nji ýylyň noýabr aýynyň 19-da “Akylly hyzmat” HJ-niň “Algoritm” okuw merkezinde “TechYouth Bootcamp” maksatnamasynyň Marydaky 2-nji tapgyryny uçurymlaryna okuwy üstünlikli tamamlandyklary barada şahadatnamalary gowşurylyş dabarasy baýramçylyk ýagdaýda geçirildi. Dabara ABŞ-nyň Türkmenistandaky Ilçisiniň orunbasary Ändrü Bördi we ABŞ-nyň Halkara ösüş agentliginiň (USAID) Türkmenistandaky Wekili Jeffreý Skarin gatnaşdylar.

USAID-iň YDA taslamasy “TechYouth Bootcamp” maksatnamasynyň indiki tapgyrlaryny ähli welaýatlarda amala aşyrmagy meýilleşdirýär.