Halkara gatnawlary amala aşyrýan «Türkmenistan» awiakompaniýasy» açyk görnüşli paýdarlar jemgyýeti uly uçarlarynda mugt güýmenje ulgamyna giriş hyzmaty hödürlendi. Täze hyzmat syýahatçylar üçin uzak uçuşlary has amatly we gyzykly etmek üçin döredildi.

Ondan peýdalanmak üçin «Turkmenistan Airlinesiň» içki Wi-Fi toruna birikmeli. Birikdirmeklik smartfonyňyzda ýa-da planşetiňizde uçar düzgünini işjeňleşdirmekden başlaýar. Soňra ýolagçylar Wi-Fi açmak arkaly uçardaky «Turkmenistan Airlinese» birigip bilerler.

Birikdirilenden soň brauzeri işledip, salgy setirine «adonisone.com» girizmek ýa-da berlen QR kody skanirlemek ýeterlikdir. Ony ulanyjylar interfeýs dilini saýlap, güýmenje ulgamynyň menýusyna girip bilerler. Ulgamyň maglumat mazmunyna girmek usullary ýönekeý we amatly.

Mugt güýmenje ulgamynda täze düşürilen filmler, nusgawy kinofilmler, audiokitaplar, žurnallar, kinofilmlere sazlar we multfilmler bar. Maglumat mazmunynyň dürlüligi, her bir ýolagça uçuş wagtynda ýatdan çykmajak pursatlary döredip, islegine görä zatlary saýlamaga mümkinçilik berýär.