Täze ýyl –  sowgatlara, şadyýan we unudylmajak şatlyklara garaşdyrýan, hemmeleri çagalyk döwrüne eltip-getirýän iň aýdyň we iň jadyly baýram ýetip gelýär. Bu baýramyň ruhuna, esasanam, ýurdumyzyň Döwlet sirkiniň her ýyl halkymyz üçin taýýarlaýan owsunlaýjy sirk çykyşlary gabat gelýär.

Gündogar senenamasyna laýyklykda, nyşany ýylan bolan 2025-nji ýylyň öňüsyrasynda sirk artistleri «Akylly ýylan we Aldarköse» atly täze ýyl sirk oýnuny taýýarladylar. Tomaşaçylar «Galkynyş» milli at üstündäki oýunlar toparynyň, Hindistandan getirilen şadyýan maýmynjyklary, Mongoliýadan getirilen iki örküçli Baktriýa düýeleri, şeýle hem şadyýan masgarabazlar we buýra tüýli german öý itleriniň gyzykly çykyşlaryna tomaşa edip bilerler. Sirk çykyşlary 2025-nji ýylyň 26-njy dekabryndan 10-njy ýanwaryna çenli gyşky dynç alyşlarynda çagalary we ululary hepdäniň her güni begendirer.

Türkmenistanyň Döwlet sirki Täze ýyl baýramy mynasybetli paýtagtymyzyň ýaşaýjylaryny we myhmanlaryny şowhunly hem şadyýan tomaşa çagyrýar.

Goşmaça maglumat sirkiň sirk.gov.tm resmi saýtynda we 36-10-95 / 36-10-34 belgili telefon arkaly elýeterlidir.