Türkmenistanda Täze ýyl baýramçylygy günlerinde üýtgäp durýan bulutly howa bolup, käýerlerde ýagyş ýagar diýlip çak edilýär. Howanyň ortaça temperaturasy +10 gradus bolar.

Aşgabatda bulutly howa bolup, howanyň temperaturasy gündizlerine +10… +12 gradus, gijelerine 0… +2 gradus bolar. Täze ýyl agşamynda ýagyş ýagmagy-da mümkin.

Ahal welaýatynda bulutly howa bolup, howanyň temperaturasy gündizlerine +5… +10 gradus, gijelerine +4… +3 gradus bolar. Dynç günleri ýagynsyz aýdyň howanyň bolmagyna garaşylýar.

Balkan welaýatynda ýagyşly we şemally howa bolup, howanyň temperaturasy gündizlerine +9… +11 gradusa çenli ýokarlanyp, gijelerine +2… +5 gradus bolar.

Mary welaýatynda az-kem ýagyş ýagmagy mümkin. Gündizlerine howanyň temperaturasy +8… +10 gradus, gijelerine 0… +5 gradus bolar.

Lebap welaýatynda ýagyş ýagar diýlip çak edilýär. Howanyň temperaturasy gündizlerine +3… +8 gradus, gijelerine 0… –2 gradus bolar.

Daşoguz welaýatynda bulutly howa bolup, gysga wagtlyk ýagyş ýagar. Howa gündizlerine +3… +7 gradusa çenli maýlar. Gijelerine howanyň temperaturasynyň –2… +1 gradusa çenli aşak düşmegine garaşylýar.