Türkmenistanyň Gidrometeorologiýa gullugynyň deslapky çaklamasyna görä, hepdäniň dowamynda üýtgäp durýan howa garaşylýar. Howa ortaça +16 gradusdan +4 gradusa çenli üýtgär. Ygal ýagmagy ähtimal.

Aşgabatda hepdäniň başynda howanyň temperaturasy gündizlerine +16 gradus, gijelerine +3 gradus bolar. Sişenbe gününden başlap howa ep-esli sowar. Howa gündizlerine +4...+6 gradus bolup, gijelerine -2...-4 gradus sowuk bolar. Bulutly howanyň bolmagyna garaşylýar. Ýagyş ýagmagy mümkin. 

Ahal welaýatynda üýtgäp durýan bulutly howa bolup, howanyň temperaturasy gündizlerine +3…+8 gradus, gijelerine -1…-6 gradus sowuk bolar. Dynç günleri howa açylyp, howanyň temperaturasy +13 gradusa çenli ýokarlanar.

Balkan welaýatynda şemally, az-kem ýagyşly howa bolup, howanyň temperaturasy gündizlerine +6…+11 gradus, gijelerine 0…+ 4 gradus bolar diýlip çaklanylýar. 

Mary welaýatynda üýtgäp durýan bulutly howa bolup, howanyň temperaturasy hepdäniň ortasynda gündizlerine +1…+6 gradus, gijelerine -1…-6 gradus bolar diýlip çaklanylýar. Dynç günleri howanyň temperaturasy +14 gradusa çenli ýokarlanar.

Lebap welaýatynda üýtgäp durýan bulutly howa bolup, howanyň temperaturasy gündizlerine 0…+5 gradus, gijelerine -1…-6 gradus bolar. Hepdäniň ahyrynda howa +14 gradusa çenli maýlar. Ygal ýagmagy ähtimal.

Daşoguz welaýatynda bulutly howa bolup, howanyň temperaturasy gündizlerine -3…+2 gradus, gijelerine -3…-8 gradus bolar we käýerlerde ýagyş ýagar. Dynç günleri howa +9 gradusa çenli maýyl bolar.

Howanyň kä sowap, käte maýlamagy ýa-da tersine, maýlap-sowamagy adamlaryň özüni duýşuna we saglygyna täsir edýär, şonuň üçin hem howa çalt üýtgände howa görä geýinmeli. Munuň özi sowuk günler üşemezligiň we howa maýlanda gyzmagyň öňüni almaga ýardam eder.