Ï «Türkmenistan-parahatçylygyň we ynanyşmagyň Watany» at bilen Balkan welaýatynda bäsleşik yglan edildi
mail-icon
altynasyr.newspaper@sanly.tm
EN RU TK

«Türkmenistan-parahatçylygyň we ynanyşmagyň Watany» at bilen Balkan welaýatynda bäsleşik yglan edildi

view-icon 1684
«Türkmenistan-parahatçylygyň we ynanyşmagyň Watany» at bilen Balkan welaýatynda bäsleşik yglan edildi

Hormatly Prezidentimiziň parasatly baştutanlygynda amala aşyrylýan beýik taryhy özgertmeleri wasp etmek we dünýä ýaýmak, şeýle-de 2025-nji Halkara parahatçylyk we ynanyşmak ýylyny has-da dabaralandyrmak maksady bilen guralýan bäsleşik «Türkmenistan-parahatçylygyň we ynanyşmagyň Watany» diýlip atlandyryldy. 

Goşgularyň we makalalaryň bäsleşigini ýakynda Türkmenistanyň Demokratik partiýasynyň Balkan welaýat komiteti we «Balkan» gazetiniň redaksiýasy bilelikde yglan etdi. 

Bäsleşik ata Watanymyzyň mukaddes Garaşsyzlygynyň hem-de hemişelik Bitaraplygynyň şöhratly ýyllarynyň içinde ýurdumyzda ýetilen belent sepgitleri, Bitaraplyk hukuk derejesiniň dünýäde parahatçylygy, dost-doganlygy, birek-birege ynanyşmaga esaslanýan özara bähbitli hyzmatdaşlyk gatnaşyklaryndaky ägirt uly ähmiýetini, Gahryman Arkadagymyzyň hem-de Arkadagly Gahryman Serdarymyzyň taýsyz tagallalary netijesinde döwletimiziň içeri we daşary syýasatynda durmuşa geçirilýän beýik işleri wagyz-nesihat etmegi maksat edinýär. 

Bäsleşige welaýatyň etrap-şäherlerinden döredijilik bilen meşgullanýan, döwlet derejesindäki bäsleşiklerde ýeňiji bolmadyk raýatlar gatnaşyp bilerler. Şonuň ýaly-da bäsleşige hödürlenýän goşgularda, makalalarda hemişelik Bitaraplygymyzyň 30 ýyllyk baýramynyň, Halkara parahatçylyk we ynanyşmak ýylynyň, Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň bütin älem içre meşhur bolan il-ýurt bähbitli, umumadamzat ähmiýetli beýik işleriniň waspy beýan edilmelidir.

Bäsleşik şu ýylyň dekabr aýynda has-da giňden belleniljek hemişelik Bitaraplygymyzyň şanly 30 ýyllyk baýramynyň öňüsyrasynda jemlener.