Lebap welaýatynyň oba hojalykçylary şu oba hojalyk ýylynda 130 müň gektar ýerde gowaça ekip, ondan 320 müň tonna pagta hasylyny almaklygy meýilleşdirýärler. Welaýatda ekiş möwsümine taýýarlykly gelinmegi, bu jogapkärli möwsümiň agrotehniki talaplara laýyklykda geçirilmegi gowaça ekilen ýerlerde kadaly gögerişiň gazanylmagyny üpjün etdi. Şeýle hem sebitde şu oba hojalyk ýylynda gowaçanyň «S-2606», «Ýolöten-39», «Ýolöten-7», «Ýolöten-53», «Garaşsyzlyk-30» hem-de synag üçin «Buhara-8», we «Buhara-10» görnüşleriniň ekilendigini, gowaçalara ideg edilende olaryň aýratynlyklarynyň hasaba alynýandygyny-da aýdyp geçmek bolar.
«Garaşsyz, baky Bitarap Türkmenistan – bedew batly at-myradyň mekany» ýylynyň tomusky dynç alyş möwsümi «Awaza» milli syýahatçylyk zolagynda hem guramaçylykly dowam edýär. Şu günlerde sagaldyş-dynç alyş merkezlerinde wagtlaryny hoş geçirýän çagalaryň al-asmana göterilýän bimöçber şatlyk-şowhunam oňa aýdyň şaýatlyk edýär.
Şu gün paýtagtymyzda Söwda-ykdysady, ylmy-tehniki we medeni hyzmatdaşlyk boýunça bilelikdäki türkmen-özbek toparynyň nobatdaky mejlisi geçirildi.
Döwlet tarapyndan döredilýän ýokary derejeli mümkinçiliklerden we ýeňilliklerden netijeli peýdalanýan gallaçy-kärendeçiler Watan harmanyna ak bugdaýyň 1 million tonnadan gowrak hasylyny tabşyrdylar.
2026-njy ýylyň 19-njy iýunynda Türkmenistanyň Gruziýadaky Adatdan daşary we Doly ygtyýarly Ilçisi D.Seýitmämmedowyň Gruziýanyň Içeri işler ministri S.Tamazaşwili bilen duşuşygy boldy.
