Magtymguly adyndaky milli sazly drama teatrynda, aramyzda gezip ýören bolsa şu ýyl 85 ýaşy dolmaly söýgüli şahyrymyz Gurbannazar Ezizowa bagyşlanan hatyra agşamy geçirildi. 50 ýyl mundan ozal ol – örän zehinli ýaş şahyr pajygaly ýagdaýda aradan çykdy. Ömür tanapy gysga bolsa-da, ol esli edebi miras goýup gitdi.
Şahyryň ýagty ýadygärligine hormat bildirmek üçin teatryň tomaşa zalynda talyplar, medeniýet işgärleri we Gurbannazar Ezizowyň döredijiliginiň muşdaklary ýygnandylar. Baş akademiki drama teatryň we Magtymguly adyndaky milli sazly drama teatryň sahna ussatlary şahyryň durmuşyndan kiçeňräk sahnalar görkezdiler.
Gurbannazar Ezizow bilen egin-egne berip, bile okamak ýa-da işlemek bagty miýesser bolanlaryň gürrüňlerinde sahnadan mähirli sözler ýaňlandy. Olaryň köpüsi eýýäm 80-den aşan adamlar. Çykyş edenleriň arasynda Türkmenistanyň Gahrymany Gözel Şagulyýewa hem bardy, ol Gurbannazar Ezizowyň öz döredijiligine eden täsiri barada gürrüň berdi. Ol öý hojalykçy ýaş gelniň golýazma goşgulary bilen ünsli tanşansoň, onuň zehinine ynam bildirdi. Bu ynam Gözel Şagulyýewa görnükli şahyr bolmaga kömek etdi.
Wideoşekillerde maşgala arhiwinden alnan suratlar görkezildi. Şahyryň gyzlarynyň Türkmenistanyň halk artisti Atageldi Garýagdyýewiň ýerine ýetiren «Gyzlaryma» aýdymynyň ýany bilen ekranda peýda bolan suratlary, aýratyn tolgundyryjy boldy. Diňleýjileriň köpüsiniň aýtmagyna görä, Gurbannazar Ezizow bu goşgusynda her bir gyzyň atasynyň kalbynda ýaşaýan pikirlerini beýan edipdir.
Agşamyň dowamynda Gurbannazar Ezizowyň goşgularyna düzülen «Uzak ýaýlada enäniň hüwdisi», «Dostlaryma» we «Topragym» aýdymlary hem ýaňlandy. Olary Türkmenistanyň halk artistleri Läle Begnazarowa, Atajan Berdiýew we Türkmenistanyň at gazanan artisti Batyr Çaryýew ýerine ýetirdi.
Wideoda güýz asmany köplenç şahyryň goşgularynda häli-şindi duş gelýän, halka arasynda gam-gussa bilen baglanyşykly guşlar, toýnuk gurap barýan durna hatary bilen kesişýärdi.
Şeýle-de bolsa, Gurbannazar Ezizowa bagyşlanan agşam belent ruhda tamamlandy. Şahyryň gyzy Ýazgül Ezizowa kakasy barada ýatlamalary gürrüň berýän wagty, münbere elleri gül desseli onuň iki agtygy golaýlaşdy. Bular Gürbannazar Ezizowyň çowluklarydy, tomaşaçylar olary tüýs ýürekden el çarpyşmalar bilen garşyladylar. Tizden ekranda Türkmenistanyň şäherleriniň ägirt uly gurluşygy peýda boldy. Bu beýik jaýlarda ýaşaýanlaryň arasynda Gurbannazar Ezizowyň şygyrýeti bilen tanyş bolmadyk adam ýok diýen ýaly.
Gurbannazar Ezizowyň bürünçden ýasalan heýkeli Aşgabadyň taryhy merkezinde - sergin saýaly Ylham seýilgähinde oturdyldy. Heýkel türkmen halkynyň buýsanç besleýän şöhratly ogullarynyň ýadygärlikleriniň arasynda ornaşypdyr.
