Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz Gurbanguly Berdimuhamedow Birleşen Milletler Guramasynyň Howanyň üýtgemegi baradaky Çarçuwaly konwensiýasyna gatnaşyjy taraplaryň 31-nji maslahatynyň (COP31) çäklerinde geçirilen Liderler sammitindäki çykyşynda ählumumy ekologiýa hyzmatdaşlygyny ösdürmäge gönükdirilen ýurdumyzyň ikinji iri başlangyjyny beýan etdi.

Gahryman Arkadagymyz gatnaşygyň täze inklýuziw görnüşini – howa gün tertibiniň soraglary boýunça hyzmatdaşlygy pugtalandyrmak üçin açyk halkara platforma hökmünde Howa boýunça Aşgabat dialogyny döretmek, gyzyklanma bildirýän halkara hyzmatdaşlaryň gatnaşmagynda Howa boýunça Aşgabat dialogynyň çäklerinde Aşgabatda 2027-nji ýylda birinji halkara duşuşygy geçirmegi teklip etdi.