Ilçä döwletara gatnaşyklaryny ösdürmäge goşan şahsy goşandy üçin hoşallyk bildirildi. Öz gezeginde, HHR-yň ilçisi Türkmenistanda işlemeginiň özüniň diplomatik işinde möhüm tapgyr bolandygyny belledi.
Duşuşygyň barşynda ykdysadyýet, söwda we maýa goýumlary, şeýle hem medeni-ynsanperwer ulgamlarda türkmen-hytaý hyzmatdaşlygynyň geljegi barada pikir alşyldy. Şeýle hem taraplar halkara gurmalarynyň, hususan-da BMG-nyň meýdançasynda üstünlikli özara hereketleri bellediler we syýasy-diplomatik gatnaşyklary pugtalandyrmak barada pikir aýtdylar.
Duşuşygyň ahyrynda ilçi Türkmenistanyň Hökümetine dostlukly iki ýurduň arasynda özara peýdaly gatnaşyklary pugtalandyrmaga gönükdirilen diplomatik wezipesini ýerine ýetirmäge beren hemmetaraplaýyn ýardamy üçin hoşallyk bildirdi.
