19-njy oktýabrda ýurdumyzyň gündogarynda ýerleşýän Köýtendaga ilkinji gar ýagdy. Häzirlikçe sebitlerde we şäherlerde ygal bolar diýlip çak edilmeýär. Hepdäniň dowamynda howanyň temperaturasy ortaça +25 gradus bolar.

Aşgabatda käte açyk, bulutly, gündizlerine +15...+17, dynç günlerine golaý +24 gradusa çenli salkyn howa bolar. Gijelerine +5…+7 gradusdan +12…+14 gradusa çenli salkyn howanyň bolmagyna garaşylýar. Az-kem ýagyş ýagyp, şemally howa bolmagy mümkin.

Ahal welaýatynda üýtgäp durýan bulutly, gündizlerine +14...+19, gijelerine +5...+ 10 gradus salkyn howa bolar. Howa hepdäniň dowamynda gündizlerine +25 gradusa çenli salkyn bolar. Ýagyşdyr şemal bolmagyna garaşylýar.

Balkan welaýatynda ümürli we ygally howa bolup, howanyň temperaturasy gündizlerine +20...+25, gijelerine +11...+16 gradusa çenli salkyn bolar. Güýçli ýeliň bolmagy çaklanylýar.

Mary welaýatynda aram-aram açyk bulutly howa bolup, howanyň temperaturasy gündizlerine +19...+24, gijelerine +9...+14 gradus bolar. Az wagtlyk ygal bolmagy mümkin.

Lebap welaýatynda ümürli howa bolup, howa gündizlerine +17...+24, gijelerine +7...+12 gradus bolar.Ýagyş ýagmagy mümkin.

Daşoguz welaýatynda bulutly, aram-aram ygally howa bolup, howanyň temperaturasy gündizlerine +10...+15, gijelerine +6...+11 gradus bolar. Howa dynç günleri+21 gradus bolar.