«Nesil» gazetiniň redaksiýasy Türkmenistanyň Magtymguly adyndaky Ýaşlar guramasynyň Merkezi Geňeşi bilen bilelikde «Berkarar döwletiň ylham joşguny» döredijilik bäsleşigini geçirýär.

Ol 2024-nji ýylda belleniljek beýik şahyr Magtymguly Pyragynyň doglan gününiň 300 ýyllygyna bagyşlanýar. Bäsleşik ýaş nesli täze eserleri döretmäge höweslendirmegi, olary ruhlandyrmagy we ýaşlaryň döredijilik ukybyny kämilleşdirmegi maksat edinýär.

Bäsleşige hödürlenýän goşgylar, hekaýalar, oýlanmalar beýik akyldaryň döredijiligini, filosofiýasyny açyp görkezmelidir. Işler 2023-nji ýylyň 7-nji maýyna çenli kabul edilýär. Olary Aşgabat, Garaşsyzlyk şaýoly, 100-nji jaý salgydaky Erkin döredijilik mekanyna ýa-da nesil-gazeti@online.tm elektron poçtasyna ibermeli.

Goşmaça maglumatlary:

«Nesil» gazetiniň redaksiýasy: 39-96-35; 39-95-27,

Türkmenistanyň Magtymguly adyndaky Ýaşlar guramasynyň Merkezi Geňeşi: 44-89-99; 44-88-81 telefonlardan alyp bolar.

Maý aýynda yglan ediljek edebi bäsleşigiň ýeňijileri diplomlar we ýadygärlik sowgatlar bilen sylaglanylar.