Şu hepdäniň dowamynda Aşgabatda üýtgäp durýan bulutly howa bolar. Howa gündizlerine +25…+37, gijelerine +24…+30 gradus bolar. Hepdäniň başyna şemalyň güýçlenmegine garaşylýar.

Ahal we­la­ýa­tyn­da az bulutly, hepdäniň başynda üýtgäp durýan bulutly howa bolup, howa gündizlerine +31... +36 gradusdan +37... +42 gradus aralygynda yssy bolar. Howa gijelerine +21... +26 gradusdan +24... +29 gradus aralygynda maýyl bolar.

Bal­kan we­la­ýa­tyn­da üýtgäp durýan bulutly howa bolup, hepdäniň başynda az-kem ýagyş ýagar. Howa gijelerine +19... +24 gradusdan +23... +28 gradus aralygynda maýyl bolar. Gündizlerine +36... +41 gradus yssy, welaýatyň kenarýaka etraplarynda +30... +35 gradus maýyl howa bolar.

Ma­ry we­la­ýa­tyn­da az bulutly howa bolup, howa gijelerine +21... +26 gradusdan +24... +29 gradus aralygynda maýyl, gündizlerine +33... +38 gradusdan +37... +42 gradus aralygynda yssy bolar.

Le­bap we­la­ýa­tyn­da az bulutly howa bolup, howa gijelerine +21... +26 gradusdan +25... +30 gradus aralygynda maýyl, gündizlerine +32... +37 gradusdan +37... +42 gradus aralygynda yssy bolar.

Da­şo­guz we­la­ýa­tyn­da üýtgäp durýan bulutly howa bolup, hepdäniň başynda az-kem ýagyş ýagar. Howa gijelerine +19... +24 gradusdan +23... +28 gradus aralygynda maýyl, gündizlerine +31... +36 gradusdan +36... +41 gradus aralygynda yssy bolar.

Yssy howa saglyk ýagdaýymyza has ünsli bolmagy talap edýär. Şonuň üçin hem yssy howada ýeňil, rahat, arassa nah matadan tikilen, açyk reňkli egin-eşikleri geýmeli. Günden goranmak üçin ýeňiljek başgap geýmeli, ýaglyk atynmaly ýa-da saýawan götermeli. Günden goraýjy äýnekleri dakynmak hem peýdalydyr. Yssy howada günüň dowamynda 2,5-3 litre golaý arassa agyz suwuny içmeli.